محكمة القلوب(خلى بالك)

[ahmedabdelziem]

خوش ياستاذ مصطفى

[مصطفى مامون]

انتى قلتى ياأميره انه مش هزار وانا ياحضرة القاضى فعلا مش ههزر وهتكلم بجد ووالله العظيم هقول الحق

1- صف حبك .. في كلمة واحدة ؟

الحب هو (عطاء)

2- هل يُمكن أن يكون الحب من أول نظرة ؟
الحب ممكن يبقى بالنظره او بالكلمه او بالفكره المهم انه لازم يبقى شعور متبادل بين طرفين لانى مش بقتنع ان فيه حب من طرف واحد لازم يبقى نفس الاحساس او النظره او الفكره تلاقت فى ايقونه واحده


3- متى أحببت لأول مرة ؟ ( سؤال جوابه اجباري )
اول مره حبيت كان فى اعدادى وقعدت 9 سنين منهم 4ابصلها و3اشاغلهاوسنه اكلمها وفى الاخيره انفصلنا ..

4- مالذي جذبك لـ حبيبك / حبيبتك وكان سببا لتعلقك واختيارك له / ــها ؟

عنيها

5- مالذي عناه الحب لك في ايام الثانوى ؟
كانت ثانوى اول مره اكتب فيها قصيده ليها ولسه فاكر منها جزء كانت بتقول
يوم 9مارس من سنه*******غنا كنارى لسوسنه***
زى النهارده قام قالها ****** فى الليله دى احلى غُنا
عين الكنارى على وليفته ما اختفتش
والدمعه من فرحته على الخدود ماارتحتش
ياسعدنا ***يوم فرحنا ***بكره لنا
وهنفتكر ***يوم 9مارس من سنه
ومش فاكررررررررررررررررررررررررررررررررررررررررر الباقى

6- متى يمكن أن يكون الحب أدراج الرياح لسبب غير الخيانه من وجة نظرك ؟
ان الانسان يشعر من خلال حبيبه انه اقل منه لان اعظم ما يزيد الحب ان يشعرك المحب بقدرك او يرفع منزلتك اما ان يسخر منك او يستصغر قدرك فذلك يذهب بالحب ادراج الرياح

7- ماالشعور الذي يرافقك طوال وجودك بالقرب من حبيبك / حبيبتك ؟
كتييييييييييييييييييييييييييييييييييير
--لا امل حديثه
--ارتاح ان اشكو له علتى
--اشعر بالامن بجواره
--احس وكأن عقارب الساعه قد توقفت

8- هل تفضل ( أو يعجبك ) أن يكون / تكون حبيبتك / حبيبتك هو شريكـ / ـة حياتك ؟

مؤكد

9- ماالكلمة الي تستخدمها لـ تنادي حبيبك / حبيبتك ؟
لو كان الشعراء وعمالقة الحب وجدوا لها معنى او لفظ غير ما قيل لقالوه فليس لها مرادفا سواها ولا مغزى غير سبيلها فهى ما اقصرها لفظا واعمقها احساسا وارقها صوتا وادفأها شعورا فلا غيرها اقولها (حبيبى)

10- مارأيك في مقولة ( الحب عذاب ) ؟
بص يا حضرة القاضى متعة الحب فى عذاب المحبين وان تنوعت فعند اللقاء عذابه الفراق وعند الفراق عذابه الفكر وعند الفكر عذابه السهد وعند السهد عذابه الحنين ويأتى الانين وموضوع يافندم مش هيخلص بس لذته فى عذابه
وقالوا قبلنا (من كتر فكرى ماعاش وياك **اغير عليك منه وادارى***خايف يكون لى شريك فى هواك ***حتى ولو كان افكارى) حتى بيغير على حبيبه من فكره

11- أي من هذه الطرق يمكن أن تؤمن بها ولو 1% أكثر من غيرها

- صدفة ؟
- اتصال عن طريق الخطأ ؟
- عن طريق الأنترنت ؟
- عن طريق شخص تعرفه ؟
الصدفه من اجمل واعمق المشاعر لانها بتتوالد مع تقارب الاحساس بالاخر وممكن شخص تعرفه ولا تجتمع لحظه الاحساس به او العكس الا عن طريق المصادفه
بمعنى انه لا يتولد الحب الا فى لحظة التقاء حتى وان كنت تعرفه او بالمصادفه فكلاهما مصادفه ان تتلاقا معا
الساده المستشارين والقاضى فهموا انا عايز اقول ايه



12- هل يمكن أن تسمي ( ابنك / إبنتك ) على أسم ( حبيبك / حبيبتك )
التي عشقت حد الجنون وفقدته / تـيه لأي سبب ؟
لا طبعا كل انسان لازم يؤمن بالقضاء والقدر والنصيب وتقديرا واحتراما لمن يشاركك حياتك انا ارفض بس لو حضراتكم موافقين مقدرش اقول حاجه دا انتوا الحكومه



13- من واقع ماعشت أو جربت
هل تدوم أول علاقة للشخص وتستمر .. أو حتى تتطور إلى زواج ؟
بنسبه كبيره لا انما كنت اتمنى ولا زلت اتمنى ان اى علاقه فيها حب واخلاص تنتهى بالزواج
14- أي من الأسباب تجعلك تخون .. وتتجرد بسببها من خصلة ( الإخلاص ) ؟
اصلى انى اخون واللى ادامى يخون طب وليه الاذى يعنى لا هو فى حاله وانا فى حالى وشيل دا من ده عشان اخون وهو يخون يبقا فاضل ايه غير انى ابقا عميل لاسرائيل

15- من مِن أعضاء / عضوات المنتدى لاحظتـ / ـي من ردودهـ / ـا .. أسلوبـه / ـا ومواضيعه / ـها أنه قريب / ـيبة من الشخصيه المرسومه عن شريك / شريكة حياتك ؟

سماء الهوى ومن فيها

هى النشوى لاتضاهيها

وروح القلب تملكه

واشعارى أغانيها

هى من تملك النفس

عنكم سوف أخفيها

وقد وهبتها روحى

فلو تطلبها ارميها

واعيش لها هاوِ

وحنايا القلب اهديها

يامن ملكتى وجدانى

تلك حياتى أقضيها

اكون لكِ عشقا

ولحياتك انا افديها

احبك انت ياملكا

ارددها لك واغنيها

يارب تتطلع براءه يا تيفه عشان تشوف اكل عيشك والتوكتوك

[ahmedabdelziem]

تسلم ايدك استاذ مصطفى
فعلا ردودك بتدل انك انسان حساس
واول قصيده كتبتها لحبيبتك باين من عنوانها
انها رائعه

[مصطفى مامون]

تسلم ايدك استاذ مصطفى
فعلا ردودك بتدل انك انسان حساس
واول قصيده كتبتها لحبيبتك باين من عنوانها
انها رائعه

الله يخليك يااحمد ومتنساش العيش والحلاوه وحسستنى وانت بتقول خش انك اشتغلت مع اميره حاجب وبتنادى عليا اخش القفص ماشى ليك يوم وابقى حاجب عليك

[ahmedabdelziem]

الله يخليك يااحمد ومتنساش العيش والحلاوه وحسستنى وانت بتقول خش انك اشتغلت مع اميره حاجب وبتنادى عليا اخش القفص ماشى ليك يوم وابقى حاجب عليك

انا غلطان انى بعرفك دورك
انا مش هندها على حد تانى
يارب يتوه حتى
وانا مالى
ايش اخششنى

هههههههههههه