مدارس 6 اكتوبر

[abdelfattah aly]

وعلى فكرة انا مش برتاح للمدارس القومية لأنها بصراحة تجربة كانت ناجحة لكن مع مرور الوقت فشلت لأنها لم تحافظ سوى على أسوء ما في الخاصة وهي المصاريف المرتفعة والبعد عن الرقابة التعليمية واسوء ما في الحكومية ان بها فساد ضخم جدا وكفاية ان رئيس المدارس واحد اسمه ناجي الشهابي عضو مجلس شورى مش كويس وسمعته تخليكي تجري وتهربي بعيالك منه

[قمارا]

شكرا يا عبد الفتاح دوشتك معايا
المشكله ان انا ولادي في خاص مش عارفه هينفع احولهم هناك ولا ايه على العموم ان شاء الله هروح واحاول وربنا ييسر الامور
طيب انت عندك فكره عن المدارس الخاصه
وخصوصا مدرسة ايليت اللي هي اسمها دلوئتي سيتي اللي في المتميز
ناس بتشكر فيها وناس تانيه بتزم
وانا بصراحه احترت وتعبت من اللف

[abdelfattah aly]

ما عنديش فكرة عن المدارس الخاصة ، لكن لو ولادك في مدارس لغات خاصة فمن حقهم التحويل لتجريبي ، لكني لا أنصح بذلك الا لو الظروف المالية لا تسمح بالاستمرار لأن الاولاد سوف يصابون بصدمة ليست سهلة على الاطلاق ، فاذا كان ولا بد فانصح بالنصر التجريبية للغات أو الشيخ زايد التجريبية للغات الاولى ، لكن بشرط ان تجهزيهم نفسيا للفرق بين الخاصة والحكومية حتى ولو كانت تجريبي لغات لأن المسالة ستكون عنيفة نفسيا على الاولاد ، اما مدرسة ايليت الخاصة للغات فقد شاهدت منظرا لطلبتها أعجبني جدا ، ففي وقت الامتحانات وفي عز التهريج والهرجلة امام المدارس المحيطة ، وجدت طلبة ايليت يهبطون من الاتوبيسات بنظام ويدخلون المدرسة بهدوء شديد وفي يد كل طالب وطالبة كتاب او مذكرة ، هذا فقط ما اعرفه عن مدرسة ايليت التي اصبحت سيتي

[قمارا]

شكرا يا عبد الفتاح جزاك الله خيرا

[قمارا]

يا جماعه لو سمحتم لو حد يعرف حاجه عن مدرسة سيتي يئولي