اسامة 22 الضيف الجديد

**اسامة22** · 23-04-2009, 12:09 AM

انا كنت في بداية الامر يعني اضيقت شوية
بس شوية شوية بدأ التهريج
ولكن اسبوع غاية في الروعة
تعرفت عليكم اكثر واكثر
فمرحبا بيكي وبأسالتك مرة اخري

**اسامة22** · 23-04-2009, 05:03 PM

السلام عليكم ورحمه الله وبركاته

الاخ اسامه القاطن على كرسى الاعتراف

اخبارك ايه واخبار البيض

البيض كله تحت امرك انتى تستاهلى اكتر من كده

حجزت لى كرتونه ولا خلاص كده خلصت عليه كله كله

وانا اقدر برضو

عموما ياويلك لو كان خلص محدش هيرحمك منى

واسمح لى بشويه اسئله كده على الماشى

اتفضلى ياست الكل اذنك معاكى
ما السبب الذى جعلك تنضم لمنتدى 6 اكتوبر
شخص عزيز حببنى فى المنتدى ومن ضمن فوائد المنتدى انى اتعرفت على ناس كويسه

اذكر 3 اعضاء فقط برزوا فى الفتره الاخيره فى المنتدى
كل الاعضاء بارزين فى كل المواضيع واذكر منهم اميره وفجر مصر وخلود
المنافقون موجودون بحياتنا هل فى يوم استطعت ان تواجه احدهم بنفاقه وما هو رد فعله

بالنصيحه وبطرق غير مباشره حتى لا نجرح احاسيس الناس حتى لو كان منافق
اما عن رد فعله هو حر فيه

فى المنتديات تكون المثاليه سائده بين الاعضاء فهل عشت هذه المثاليه؟؟؟

نتمنى المثاليه فى كل امور حياتنا قولا وعملا

بحياتنا مراحل نمر بها فما هى اتعس مرحله وما هى الاجمل
اتعس مرحله هى مرحله غربتى وبعدى عن حبايبى اما الاجمل هى اوقات اجازاتى اللى بقضيها ويا ولادى

مار أيك فى الحب من اول نظرة ؟
احلى حاجه فى الدنيا
عرفنا من خلال اجاباتك ان اسامه رومانسى ياترى الرومانسيه لسه موجوده فى حياتنا فعلا ؟؟
اكيد لاننا بطبيعه الحال شعب طيب حنون
ياترى حب زمان احلى ولا حب دلوقتى ؟؟؟
الحب حب فى كل زمان حاضر وماضى ومستقبل المهم يكون حب صادق

ما رايك فى الغيرة ؟؟ وهل المراة تغار اكتر ولا الراجل ؟؟
الغيره دليل على الحب بس تكون غيره تحى الموت وليس تخنقه
وغيره المرأه اكتر من الراجل لان الست بتبقى مشاعرها فياضه اكتر شويه ودى طبيعه فيها

اتكلم عن نفسك فى جملة لا تتعدى عن 10 كلمات ؟؟
طيب حنون رومانسى مهموم

رايك فى الصداقة ؟وهل الصداقة فى وقتنا هذا بقيت صداقات مصلحة فقط ؟
الصداقه معنى جميل بس يتحقق وفيه صداقات جديه وصداقات مصلحه ولكن صداقات المصالح لا تدوم ولا يصح ان نطلق عليها صداقه اصلا

احساسك اية وانت ع كرسى الاعتراف يارب تكون مبسوط عليه كده

احساس جميل مقدرش اقول حاجه عنه
القرار اللى خدته وندمت عليه؟
الغربه
طيب ايه هو اغلس موقف مريت بيه؟؟
سؤالك ده
أيهما أكثر معاصرة للوقت الحالي أم كلثوم أم فيروز؟
ام كلثوم على مر العصور هتفضل سيده الطرب كله
... و من تفضل ؟ .... و لماذا ؟
برضو ام كلثوم لانها بحس بتعبر عن اللى جوايا فعلا
بتحب الاغانى الجديده ومين منهم ؟؟

احيانا --عمرو دياب
كلمة قلتها في لحظة غضب.. لحظة طيش.. مجرد هزار .. قلبت موازين حياتك .. ندمان عليها لحد النهاردة؟؟
مفيش
ما هي ثقافتك ؟ العلمية والدينية؟
مطلع على كل المواضيع سياسيه وعلميه وفى كل المجالات

مافيش بعد كتاب الله وسنته

ممكن تحصل مساواه حقيقه بين الرجل والمرأه
اللى عايز يعرف يرجع لموضوع حوار بين ذكر وانثى
ما هو الشيء الذي تفخر بإنجازه وما هو الشيء - عفوا - الذي تخجل من ذكره؟ وتندم عليه؟
افخر بحصول ابنى على جائزه ختم القراءن الكريم لا اندم على شئ الحمد لله لاننى افكر جيدا قبل ان افعل اى شئ
اية طموحك فى الدنيا وياترى اتحققت ولا لاء؟
طموحى الزوجه والاولاد والعائله الكريمه واحمد الله تحققت
اية اللى نفسك تعمله ومش عارف تعمله؟
انى ابطل غربه واعيش فى بلدى معزز مكرم
اية احلامك فى المنتدى؟

اشوفه اكبر واحسن وافضل منتدى
مين اغلى حد على قلب اسامه ؟

اسامه الصغير
بيتك بيمثلك اية ؟ واية علاقتك بااهلك واخواتك اصحاب ولا على هامش حياتك؟

بيتى هو كل شئ فى حياتى لانى اعشق جو الاسره لدرجه اننى عند نزولى اجازه لا اخرج الا نادرا علاقتى باهلى واخواتى جيده جدا والحمد لله
نفسك تسافر برة المكان اللى انت فيه ولا راضي باللى انت فيه؟
نفسى ارجع لحضن بلدى
هل تعيش حياة الشكر الحقيقى فعلاام بتتزمر فى حياتك وتملى عايز الافضل والاحسن؟

كلنا نتمنى الافضل وفى النهايه هى اراده الله واقبل بها
ماهى علاقتك بربنا حياة قوية ترضى عليها ام تتمنى ان تغيرها الى ارضائة ؟
احاول جيدا ان اتقرب اكتر واكتر لعل وعسى ان يرضى ربى بخالص اعمالى
متى تشعر بالضعف ؟
عندما ارى الظلم
متى تشعر بالقوة ؟

عندما اجد امورى ميسره استشعر رضاء ربى على ووقتها اشعر بالقوه الحقيقه
متى تشعر بالياس؟

لا اشعر به لاننى لدى قدره جيده على التحمل والصبر
الغربه اثرت فيك ازاى ؟؟
اثرت كتير جدا وعلمتنى الصبر والقوه والتحمل والتحدى
لما بتحب تعمل حاجة ومش بتقدر تعملها ماهو شعورك فى هذا الوقت؟
قدر الله وما شاء فعل

ماهو احسن خبر سمعتة الى الان ؟ وما اسوء خبر

سمعته او مش عايزتسمعه؟
احسن خبر سمعته تفوق ابنى وحفظه لكتاب الله
حاله وفاه عزيز علينا

ايه اكتر عضو وجه لك اسئله محرجه ورديت عليها بدبلوماسيه
مافيش
كنت تتمنى لو ان فارس مش يختارك بعده على الكرسى
مكنتش اتمنى اقعد على الكرسى بدليل انى مدخلتش ومسالتش حد لانى هكون مطالب بالرد على كل الاسئله
بينك وبين نفسك ولو لدقيقه حسيت بالضيق من اسئلتنا وعايزين اجابه بجد صريحه جدا

احيانا

تقول ايه للى هتختاره بعدك على الكرسى
الله يعينك على ليون واميره وخلود

كفاية عليك كدة وعايزين اجابات صريحة
معتقدش فيه صراحه اكتر من كده
هو كده مش فاضل تانى غير انى اجيب ولادى وزوجتى واجى اقعد عندكم فى المنتدى
بس من غير بيض
يارب تكون عجبتكم اجاباتى

**اسامة22** · 23-04-2009, 05:13 PM

اخوانى واخواتى اعضاء المنتدى الكرام

سعدت جدا بكم خلال الاسبوع الماضى فتره جلوسى على كرسى البيض اقصد كرسى الاعتراف

واتمنى ان اكون قد اعطيتكم صوره عن اسامه وتكون الصوره جيده وكما فى مخيلتكم عنى

والان يتفضل الاخ العضو الكريم

محمد

خليفه

اتفضل يابطل كلنا لها ونحن السابقون وانتم اللاحقون وهقعد انا شويه هنا لغايه ما اشوف الكرسى بتاعك شكله ايه ولو انى مش مطمن لان اميره بصراحه بتختار كراسى اول مره اشوفها والنبى ياخوى شايل همك بس قلبى معاك ومتخافش كده وسمى الله على رأى اخوى فجر وادخل برجلك اليمين يابطل ربنا معاك

والسلام عليكم ورحمه الله وبركاته

**خلود** · 23-04-2009, 05:36 PM

يااسامه افندى نورت الكرسى ونورت الدنيا كلها وبجد اجاباتك اعتقد نسبه 90 & صريحه

واشكرك على اللقب الجميل بتاعى( سندريلا المنتدى )

سعدنا بك جدا خلال الفتره الماضيه وراينا اشياء كانت غائبه عننا من اهمها احساس الغربه الفظيع الذى تعيشه نتمنى ان ينتهى برجوعك الى وطنك واولادك

ونقول مرحبا بالضيف الجديد الاستاذ محمد خليفه ونتمنى لك قضاء وقت ممتع بيننا جميعا

ويلا ياسياده المشرف العام عايزين الهمه والنشاط والكرسى اللى هينور باستاذ محمد
وطبعا يااميره مش هوصيكى بقى يأختى
لا تأخذكى به شفقه ولا رحمه ابدا

وربنا معاك بقى

**اميرة حبى انا** · 23-04-2009, 08:27 PM

اسامة
بجد اسعدتنا بتواجدك معانا واجاباتك الجميلة اللى كان فيها جدية وهزار فى نفس الوقت
واسمحلى ارحب ترحيب حاااااااااااااار جدا باخونا الغالى
محمد خليفة
اه
متنساش لسه هنعمل جرد للبيض
ويااااااااااااااه
لو طلع فى بيضة ناقصة