إمتحانــ أخر العامــ لكلــ الاعضاء....

[فريد]

يلا يانوجا فكرى و بالهنا و الشفا
سوبطة موز بحالها مش خسارة فيكى

[nogafoda]

ههي بقت كده يعني مفيش فايده
هجاوب هجاوب
ماشي يا عم فريد سوباطه موز بحالها ليه هو انت بتمتحن قرد


السؤال الاول
من موضوع البيت :
كم رقم ترتيبك فى الاسرة ؟
3
من هو الاقرب لك من اعضاء اسرتك ؟
بابا
حدد اهم الامور التى تقوم بيها وانت فى البيت ؟
بصراحه قبل ماتجوز ولا حاجه
لكن بعد متجوزت كلللللللللللللللل حاجه
اكله تحبها كتير ؟
الملوخيه
مشروب يستهويك دائما ؟
البيبسي
ما هو الطلب الملح الذى تطمع به من اسرتك
اني ارتاح لو ساعه واحده من غير طلبات
ولم يتحقق حتى الان ؟
طبعا لا
انا قاعده في جبلايه قرود








عندما تشاهد التلفزيون : ما هو أبرز ما يستدعى انتباهك
وتحرص على متابعته ؟
طبعا دلوقتي الاخباروقبل كده كنت بحب الكوره
ما هى اوقات النوم المفضله لك
اي وقت بس انام ادعولي
كده الورقه الاولي خلصت من حقي اخد بريك
اشوفكم بعد شويه
سلام

[فريد]

ههي بقت كده يعني مفيش فايده
هجاوب هجاوب
ماشي يا عم فريد سوباطه موز بحالها ليه هو انت بتمتحن قرد

كده برضه يانوجا
دنا بقول عليكى طيبة
تطلعى زيهم
جيبلك موز معتبر
تقولى قرد
وهما القرود بيعرفوا يجابوا الاجابات بتاعتك
دى يلى خشى على التانى
و من غير موز بقى
دنا بعتلك سوباطة عشان الوقت
على العموم مفيش حاجة هاتخش اللجنة تانى

[nogafoda]

السؤال الثانى
من موضوع الحياه :
حكمة تؤمن بها كثيرا ؟
دع المقادير تجري في اعنانها ولا تبيتن الا خالي البال
ما بين طرفه عين وانتفاضتها يغير الله من حالا الي حال
احب الالوان الى نفسك ؟
طبعا الاحمر مش اهلاويه والاسود كمان
دولة تتمنة ان تسافر اليها ؟
يا رب السعوديه نفسي اعمل عمره من زمان
ما هى الوظيفة التى تتمناها لنفسك ؟
كان نفسي اطلع ظابط او مضيفه جويه
حدد اسم اليوم الذى تحبه واذكر السبب ؟
13-3علشان عيد جوازي
حدد اسم اليوم الذى تكره واذكر السبب ؟
الحمد لله مفيش
حدد نوع سيارتك المفضله ؟
مالها 128 المهم اي حاجه ترحمني من الضرب في المترو
حدد افضل رساله لصديقك ماذا قال لك فيها ؟
كانت من جوزي وقالي انا مخترتش عمري ولا باديا نصيبي بس اخترتك انت علشان تبقي حبيبي
مكان يعجبك كثيرا وتترد عليه دائما ؟
النادي علشان الولاد بيبقوا مبسوطين
أقرب الاصدقاء الى قلبك ؟
اخواتي وجوزي

<a href="http://www.vb.6ocity.net/imgcache/9575.imgcache.gif" target="_blank">

[خلود]

ايه الجمال ده يااستاذ عفيفى يامراقب الدور الهمام

اهو كده المتابعه والاهتمام والشغل اللى على حق

نوجا الغاليه

مش تحدفى الممتحنه بتاعتك بصباعين موز كده

ولا اقولك لا ياستى ليقولوا بتخد منها رشوه

شكرا مش عايزه حاجه

يلا ياشطوره كده بطلى كسل وكملى اجاباتك بقى ومينفعش تتجزأ كده

باين عليكى هتكسفينا ياشابه وتفرحى فينا الرجاله ولا ايه