منتدى جديد.... تعالوا شوفوا

[خلود]

واحد عصبى جدا عمل منتدي و بقي مدير عام عليه
شوفوا بقي القوانين اللي حطها :


1- عضويتك تبقي بأسم محترم و ابن حلال و يا ريت تكون بالعربي

مش هقرف نفسي و أقعد أترجم انا و إلا هتتوقف

و أي حد مش عاجبني اسمه هيتوقف


2- أي رد مفهوم أو غير مفهوم هتتوقف


3-تشارك وانت ساكت


4- قسم الفرفشة والنكت تكتب تعليق و انت ساكت و مش عاوز ضحك


5- قسم المسابقات تلعب من غير أي هزار


6- ماتقعدش فاتح المنتدى طول اليوم عشان متضغطش علي السيرفر

سيب فرصة لغيرك عشان يتنيل يدخل


7- أي موضوع مكرر أو منقول أو حتي جديد يحذف فورا

8- قسم الشكاوي مشوفش فيه موضوع واحد و إلا تتوقف والشكوة لغير الله مذلة

9- تخليك في حالك و متتكلمش مع حد من الأعضاء جوة المنتدى أو برة المنتدى

10-ممنوع أي هزار أو تعارف أو تهنئة

والله الله يعين الاعضاء عليه

صوره صاحـــــــــــب المــــــــــــــــــــــوقع

[فريد]

الراجل ده محترم
و عجبانى اسلوبه جدا
عن اذنكم
انا هاشترك معاه
بس الترقيات اخبارها ايه
ولا هو هايبقى كل حاجة يعنى
بس نعرف من الاول عشان منزعلش
انا مش فارقة معايه بس عشان الراى العام
و الخاص و التجريبى

[اميرة حبى انا]

3-تشارك وانت ساكت
ههههههههههههه
تقريبا دى دعوة لعدم الاشتراك فى المنتدى بتاع الاخ ده
بس موضوع جامد ياخلود

[اسامة22]

مش عاوز بالمرة برميل بنزين اولع فية وفي منتداه
هههههههههههههههههه
دا عاوز ناس معينة
خرس طرش صم بكم
ربنا يعينة

[وردة الايمان]

منتدى غريب فعلا ...مش اى حد يدخله
وما افتكرش ان اى حد اصلا هيحاول يدخله

وبالشكل ده مش اسمه منتدى ابدااااسمه سجن او معتقل او اى حاجه غير منتدى

موضوع ظريف طبعا زى كل مواضيعك يا خلود