حـــوار مع مواطــــن مصــــرى فى الغــــــربه

[وردة الايمان]

الغربه شىء صعب جدا

بعد عن مكان

كان جزء من حياتنا

بعد عن لحظات

كل لحظه منهم شكلت وكونت ملامحنا

الغربه مش بعد عن مكان

الغربه بعد عن كيان وشعور بالأمان


فى موضوعنا هنعمل حوار مع مواطن مصرى
عايش فى الغربه

هنعمل حوار مع اشهر مغترب فى منتدى اكتوبر

حوارنا هيكون

مع مشرفنا المحبوب

اســــامه

على فكره هو حوار مفتوح

يعنى مش هينتهى من اول لقاء

واتمنى فعلا انى اعرف رأي الاعضاء اللى بيهمنى جدا

وفى نهاية حوارنا هنجاوب على سؤال مهم جدا

يا ترى ايه ارحم
عذاب الوطن ولا جحيم الغربه

ودلوقتى انا فى انتظار ضيفى العزيز علشان ابدأ الحوار

[اسامة22]

الله الله
البداية بي ولايهمك ياوردة انا جاهز
ولونك هتقلبي علي اوجاع الغربة وآهااااااااااااااااات الليالي الخوالي
عموما فرصة طيبة وموضوع جميل

[وردة الايمان]

الله يخليك يا اسامه

وكمان ما فيش اوجاع ولا حاجه احنا كلنا اهلك واخواتك فى المنتدى

ودلوقتى نبدأ حوارنا


اولا ...............ازيك يا اسامه صحتك عامله ايه ؟؟؟؟؟؟

وايه اخبار الجو عندك ؟؟؟؟؟؟؟؟؟؟

[اسامة22]

الله يخليك يا اسامه

وكمان ما فيش اوجاع ولا حاجه احنا كلنا اهلك واخواتك فى المنتدى

ودلوقتى نبدأ حوارنا


اولا ...............ازيك يا اسامه صحتك عامله ايه ؟؟؟؟؟؟

وايه اخبار الجو عندك ؟؟؟؟؟؟؟؟؟؟

اشكرك علي سؤالك والحمد لله رب العالمين تمام الامور بفضل من الله عزوجل
وعلي فكرة بجد وبكل امانة فعلا وجودي بينكم خفف عني كتير جدا
يمكن لو يوم مادخلتش المنتدي احس اني فاقد شي مهم جدا
ثانيا
الجو النهاردة عندنا في عاصفة رملية جامدة بالجو
اثرت علي الناس وعلي الاسواق وعلي تحرك الناس بالشوارع والمحلات التجارية

[خلود]

تسمحوا لى بالمقاطعه ولكن اردت ان اشيد بفكره الموضوع وبصاحبه الموضوع الرائعه الغاليه ورده الايمان

فعلا فكره هايله ياورده حوارك الجميل والبدايه جميله جدا مع عضو لذيذ جدا واخ غالى على الجميع
وفعلا انسان مميز فى ردوده وسخريته فى بعض الاحيان من واقعنا المرير

احييكى ياورده واحى فكرتك الجميله واحيى اسامه تحيه خاصه من ارض الوطن الغالى الحبيب

اترككم لاستكمال الحوار الذى اتوقع انه سيكون ناجح جدا بمشيئه الله

وانتظر اجابه السؤال الذى اقترحتيه عن ايهما ارحم عذاب الوطن ام جحيم الغربه