السلام عليكم ورحمة الله وبركاتة























الفديوهات دى لبلد الجمال , للبلد اللى غنينا لها
اسكندرية ماريا وترابها زعفران





يوم واحد مطر , حصل كل دة
بس جة فى بالى سؤال , الحكومة والاعلام واجعين دماغنا كل شوية
بحصة مصر فى مياة النيل واثيوبيا واحتمال حرب قادمة على المياة , ومش بنزرع محاصيل معينة وبنستوردها عشان بتاخد ماية كتير .



طيب لو كان عندنا بالعات موجودة و نقدر نستفيد بالماية دى بعد كدة فى الزراعة



كانت هاتبقى الصورة

مافيش بيوت وقعت من السيول , مافيش حد توفى , مافيش طرق اتكسرت ولا ملايين راحت على الارض بحجة ترميم البنية التحتية , ولا مصالح اتعطلعت .
كنا هانظهر قدام العالم بشكل حضارى اكتر , ونقدر نستفيد من الماية دى.




لكن لاسف الصورة اللى موجودة حاليا مش كدة
لان الحكومة ورجالتها عندهم الاهم ومش فاضين للكلام الفارغ دة
الاهم
ازاى يطلع مجلس الشعب والشورى كلة حزب وطنى ؟؟
ازاى نقضى على اى معارضة قبل ما تتولد ؟؟


ولاسف وكالعادة
هايبقى كل اللى حصل دة قضاء وقدر
من غير ما يتحاسب مسئول واحد عن الملايين اللى ضاعت على الارض ولا الارواح

اللى بيدفع الثمن هو المواطن , بيدفع تمن اهمال وعدم التخطيط المسبق

دة حتى مجلس الشعب المواطن دة مش هايلاقى اللى يمثلة ويحس بية , لان كل نوابة بقوا يمثلوا الحزب الوطنى وبس