فى كل يوم

وقت الغروب

بقول هاتوب

من حبك المغصوب

على قلبى

ولمَّا بيعدَّى النهار

وانا بواكب التيار

وبحاول انسى

وبييجى ليلى

وآآآآه ياويلى

وانا ويَّاه .. بألف آآه

فى جحيم ونار

وكل مأقول هاخد قرار

ألاقى نفسى

سامعه همسى

بانى لسَّه عليك بغار

مش قادر أنسى

وف كل مرَّه

ألقى تحتى ألف جمره

ماتنطفى إلا بهواك

وياريت ما تأسى

شكل البى ما هايلقى غيرك

شط ومرسى

انا مش هاعاكس التيار

ولا هاخالف الأقدار

ولا هادوق تانى المرار

واكيد بحبك

مادمت لسه عليك بغار