قلبى

[ابو اسامه]

قلبي بين ايديكى
اسأله يرد عليكى
عايش بإحساسك
يتنفس آنفاسك
ينبض باسمك
يرسم ملامحك
ملامحك بكل تفاصيله
تجري فى دمي
تملك كياني
صوت وصوره
بأجمل صفاتك

آهاات ياحبيبتى ملكاني
متوهاني
مدوباني
خطفانى
من آهلى وخلاني

حبك فى قلبي اتولد

كده من غير سبب

حب رباني
روحاني
إختارته
بكامل إرادتي
بعقلي
بقلبى
بكل كياني
ملك إحساسي
حقق مرادي
نساني آلامي

يسلملي قلبك
وتعيشى وانا بحبك
وقلبي آسير لقلبك
آميرة وفتاه آحلامي

مهما تعدي آيامي
ويمر بالعمر زماني
هيفضل قلبك عنوانى

ومهما آصحابى لامونى
و مهما ناس حاكونى
لا يمكن يشغلوني
عن قلبى و نور عيونى
دا انتى روحى
دايب معاكى
و شغلنى فكرى بهواك
و بـ سأل نفسى دايما
سؤال محيرنى

يا ترى ايه طعم الدنيا
لو تغيبى عنى ثانية ؟؟
بـ أحس انى تايه
من غيرك محتار ضايع
بأقولك من قلبى
إسمعينى
خليكى ساكنه عيونى

و لا تفكرى تبعدى يوم
او حبى عليكى يهون
هفضل لكى طول عمرى
وردة زرعتها بقلبك
ترويها بحنانك و حبك
يا أملى و منى قلبى

نفسي آكون
عصفور بين ايديك
آرفرف بس حواليك
ولو تبقى الدنيا ملكي
آهديها برضه ليكى
.. قلبي وكل الكون ..
قليل عليكى ..
وكفايه ان قلبي
ارتاح بين ايديكى
حبيتك ... وعايش ليكى

ابو اسامه

فريق الفجر الساطع

لنرتقي