صور من حياتنا بنعيشها مع ناس تانين!!!

*شخصيتنا دايما تارك بيته؟ أصله مسئول كبير...لكن الصراحه هو لأسرته ممول كبير!

بيعشق خدمة الناس بكل ضمير .. وقتها ينسى شغله لوقت قصير.. اصله قلبه كله حنييين

ولاده يسآلوه يابابا كنت فين؟ يقول بقضي حاجة يتامى اومسكين او عابرين سبيل! مش ولاده اولى بيه...دا يرضي مين؟؟؟
_______________________________

*ودي فتاه جذبها قلم اخرى في المنتدى الجميل..قالت لها نفسي اشوفك ويوم ماألقاكي

حلم جميل.. ولما قابلتها بكل شوق وحنين ,, هي مره واحده وبدأت التغيير .. قالت لها

اكتفيت عندي اصحاب تانين!! دا يرضي مين!!؟؟

ــــــــــــــــــــــــــــــــــــــــــــــــــ ـــــــــــــــــــــــــــــــــ
*وصديقاتها التانيه وقفت على بابها ..طلبت منها تملا حياتها بدفئ الصداقه .. ولانها

قلبها حنين .. اندفعت بقلبها ,, وأصبحت اختا لهــــا تعينها على احزانها .. وتحل مشكلاتها

وكانت لها مثال للصديق الوفي الامين.. خلصت مصلحتها وحزمت امتعتها ونوت الرحيل

طيب دا يرضى مين؟

ــــــــــــــــــــــــــــــــــــــــــــــــــ ــــــــــــــــــــــــ
*صاحب تاني لقى صاحبه دايما حزين .. مخنوق بديونه ..وقف جنبه وقفة شهم كريم

فك كربته بمبلغ من المال ,,سدد دينه وصبر عليه لوقت طويل .. وبعد سنتين ربنا كرمه

فقام وطلب منه حقه القديم ..بعتله مع صاحبه هو عايزه ليه ماهو عنده الخير الوفير !!

طيب دا يرضي مين؟؟

_________________________________

*واختنا ديه وفيه لصديقتها .. اخذتها من وحدتها لمجلس العلم والدين

عجبها واندمجت مع المجلس الجديد.. ماهو الا وقت قصير وانبهرت بكل جديد

سابت صاحبتها ,, وصحبت ناس تانيين!! دا يرضي مين؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

*أخرى كانت لصديقتها مثال للوفاء ورمز للصداقه سنين وسنين ,, اتخطبت صاحبتها

وفي الخطوبه كانوا الاتنين فرحانين..بعدة شويه جه العريس يعرض على صاحبتها

حبه الدفين ,, اصله فجأه اكتشف في خطيبته عيوب كتير كتير ...دا يرضي مين؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
*وصاحبنا دا ربنا رزقه بعيال كتير يعني 5 والسادس في الطريق ,, وزجته دي واحده

صالحه بتراعي ربها وتصلي فرضها وتقوله سمعا وطاعه يازوجي الحبيب

وهو كل يوم يصاحب واحده تانيه اما على التليفون او الايميل... طيب دا يرضي مين؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

وصاحبنا دا طبيب راح لزوجة صاحبه يسعفها كانت مريضه ’ ولماروح بيته

حكى لزوجته كل تفاصيلها .. وهي بدورها قامت تحكي عن اللي شافه زوجها الطبيب

ايه يادكتور فين شرف المهنه فين الضمير.. طيب دا يرضي مين؟؟