*****************
بداية أي ارتباط بين الراجل والست الإعجاب , و يمكن قبل الفتره دي او بعدها بيكون في حاله من الصراحه بتخلي كل واحد يقول ايه الي بيحبه وايه الي بيكرهه وخصوصا لما بيلاقوا حجات مشتركه بينهم , وبعد مرور الوقت يبتدي يلاحظ كل طرف ان في حجات مش مشتركه بينهم ,
في البعض بيبتدي يخبي الجزء الغير مشترك ده ويحاول يبين انه مش موجود , رغبة في الحفاظ على الاعجاب وتطوير العلاقه. وفي البعض بيقول لا .. انا مش هخبي حاجه موجوده فيا وبعملها , وفي اللحظه دي الطرف الآخر ممكن يقبل الحاجه دي ويقول هغيرها بعدين , او يفضل انه يبعد او يقول خلينا دلوقت ابلع الموضوع بس بعد كده كل حاجه هتمشي على مزاجي

من رأيكم ايه التصرف الأمثل في الموضوع ده , وهل بتلاقوا نفسكم لا اراديا بتخبوا الحجات الي شايفنها هتضر العلاقه دلوقت ؟

وده يوجهني لسؤال كمان , في ناس بتبرمج نفسها على الشخص المعجبه بيه , مش عايز اقول بتمثل , تيجي واحده مثلا تعرف انه في شخص معجب بيها , فلو مثلا الشخص الي معجب بيها بطبعه مقفل ومعقد , تبتدي تظهر انها معقده ولا تقبل باي هزار مثلا او انها تضحك معاه , وفي الي بيتبرمج على الشكل ده لمجرد انها بتبقا عارفه انها في مجتمع شرقي ومعظم الرجاله كده .

وده بيفكرني بمشهد في احد افلام احمد حلمي لما كان شغال جارسون , ولقا واحده كان يعرفها ايام الكلية وابتدى يسترجع ذكرياته معاها وحوار السوسته , وفجأه يظهر خطيب البنت دي , ويقولها : سوسته ده انت مخلتنيش امسك ايدك حتى !



******************
**************
*********
*****