السلام عليكم ورحمة الله وبركاته
أعضاء وعضوات القهوة الكرام
كل عام وأنتم جميعا بخير وسعادة أعاده عليكم بالصحة و الطمأنينة
والله خطرت على بالى فكرة كده أتمنى إنها تعجبكوا ألا وهى إننا نشارك بعضنا البعض فى إحتفالات العيد وقدومه .... بمعنى كل واحد أو واحدة تدخل تقول شعورها إيه بالنسبة لقدوم العيد ؟؟؟؟؟؟؟ وهل هو مثل باقى الأيام ؟؟؟ أم مختلف بعض الشئ حتى ولو بسيط .... الحاجة الثانية والأهم ...... أين تقضون أيام العيد كلها ؟؟؟؟؟؟؟؟
يارب الفكرة تعجبكوا وأنا هبتدى وياريت يكون فيه تفاعل منكوا
كل عام وانتم جميعا بخير
بالنسبة ليا لاأنكر فرحتى بقدوم العيد مثل الأطفال تماما
يمكن كتير يستغربوا لكده لكن هى دى الحقيقة
طبعا فيه أسباب إنى بهد نفسى فى تنفيض الشقة وبعمل كل حاجة مش بتتعمل أثناء السنة
حاجة غريبة طبعا الإحساس ده لكن صدقونى برغم تعبى إلا بكون فرحانة جدا ........ إنى لازم اشترى ولو أى حاجة بسيطة تدل على الفرحة دى مثلا ورود مفرش جديد أى حاجة بسيطة تغير طعم الدنيا كلها
ويصبح منظر الشقة طبعا مختلف إختلاف جامد مابين هذه الأيام بتاعة العيد وباقى الأيام العادية
مش هطول عليكوا وأقول لكم هقضى العيد إزاى
اليوم الأول : الفطار بيبقى عند حماتى وحمايا وتكون الأسرة كلها مع بعض
آخر النهار : ممكن نخرج شوية لزيارات العائلة
تانى يوم : إن شاء الله طبعا هكون عند بابايا وأولاد أختى عشان عقبال عنكوا أختى وزوجها طلعوا يحجوا فهنقضى اليوم كله مع بعض
أما الثالث والرابع إن شاء الله هنسافر فيهم لإما أسكندرية أو اسماعيلية على حسب النصيب
وكل عام وانتم بخير
يارب مش تبخلوا بالكلام والمشاركة عشان نشعر ببعضنا
حتى لو فى عضو أو عضوة مش هتعمل أى حاجة تدخل وتقول برضة عشان نشاركها :gathering::bye1::bye1:




منقـــول