- حوار بين الخوف وصدق الاحساس -
حوار بين الخوف وصدق الاحساس
الخوف: خليك كدا يا صدق الاحساس ابعد عن الشر وغنيلة
صدق الاحساس: لية بس يا خوف هو انا هفضل كدا خايف اكتب
الخوف: خلى فى علمك انتى اتحظرت مرتين .. فضلك زلطة وتطلع
برة يعنى حظر كمان وبعدين هتروح بيتكم تغنى ظلموة
صدق الاحساس: اة منك يا خوف يعنى لازم تكسر مقاديفى
ما تسيبنى بقى ياعم انا خلاص زهقت يعملوا اللى يعملوة
الخوف: صدق يا حبيبى .. بحب افكرك .. المشرفة اياها اللى
طفشتك من القسم بتاعها .. ولسة مهدداك بنفس الاسلوب
انتى حر قد اعذر من انظر .. دى مسكت موضوعك الاخير فلاتة
علشان تطلع عليك غلطة .. بس احسن حاجة انك كتبتة فى قسم
تانى بعيد عنها كان زمانك بتغنى ظلموة
صدق الاحساس: بقولك اية يا خوف ما تفتريش عليها حرام عليك
هى كويسة بس لما العصبية بتمسكها ما بتشوفش قدامها
الخوف: انتى حر .. انتى ناسى حذفتلك كام مشاركة لحد دلوقتى
اصحى يا صدق .. وخليك كدا احسن .. اصل يوروك العين الحمرا
خليك كدا شجع الاعضاء وخلاص .. انتى يعنى فاكر نفسك مين
صدق الاحساس: بس كدا يبقى ظلم وانا عمرى ما شفت ظلم قدامى وسكت
الخوف: ما هو دا اللى موديك فى داهية يا منيل على عينيك
فيها ما تقعد ساكت واللى يشتم شتم .. انتى هتعملى مصلح
اجتماعى .. اهو دماغك دى اللى هتوديك ورى الشمس
صدق الاحساس: ازاى يعنى يا خوف الكلام دا .. انتى عايزنى
اشوف الغلط قدام عينى واسكت .. بس انا متعودتش على كدا
الخوف: اقولك على حاجة كويسة .. سيبك من القسم بتاع المشرفة
دا خالص .. روح القسم العام .. اهو اتعين .. شاب جديد حليوة
هيقدرك ..لاْنة مبدع .. واكيد هيحس بيك .. صدقنى يا صدق
صدق الاحساس: والله ياخوف انا خايف .. لا يتغير هو كمان
.. اصل السلطة بتغير النفس .. بس اقولك نجرب .. هنخسر اية
الخوف: بس بقولك اية .. ما تبتديش جامد .. انا حزرتك انتى حر
اكتب اى حاجة اى كلام كدا بالونة اختبار
صدق الاحساس: اية يا عم الخوف انتى هتفضل تخوف فية
انا كدا اتعقدت .. ما بلاش تخويف بقى يا عم
الخوف: مشكلتك يا صدق ان السكينة سارقاك وانتى مش فاهم
حاجة خالص
صدق الاحساس: طب فهمنى يا فالح
الخوف: انتى فاكر العضو اياة اللى بيعمل اللى هو عاوزة
ومفيش حد بيحاسبة .. يا عم نزل تلطيش فى الاعضاء وقال كلام
عمرة ما يتقال فى مكان زى دة .. وكمان خد مكافاْة .. على اللى
بقى مميز هو وموضوعة .. اول مرة فى التاريخ
كلمة زى دى تحط مميزة ويشوفها الناس كلها
انتى فاكر نفسك زية فوق يا بابا اصحى
طب انتى اتحذف لك ثلاثة مواضيع
وهو اكتر حاجة اتعملت .. كتب مغلق .. وفضل زى ما هو
صدق الاحساس: ايوة صحيح كلامك صح يا خوف .. طب اية العمل
الخوف: ولا عمل ولا يحزنون .. اتهبب اقعد فى جنب
مش انتى اللى عملت فيها ثورى اشرب بقى
اية يعنى لوكنت عملت زى العضو اياة
كنت هتخسر اية
صدق الاحساس: وانتى ترضهالى بردة يا خوف
الخوف: خلاص خليك يا منيل على عينيك
اقعد بقى خرط بصل احسنلك
اعملك حاجة تنفعك
صدق الاحساس: بقولك اية يا خوف .. انا احسن حاجة
اروح انام واتغطى
واحلم يمكن الاقى الحل فى الاحلام
سلام بقى يا خوف
الخوف: سلام يا صدق
ما تنساش .. علشان تعيش .. لازم تخاف
صدق الاحساس: :swoon2::swoon2:
المفضلات