ممكن اعرف اسامي المدارس التجريبي الفي 6 اكتوبر

[محمد المصري]

اللى اعرفة المدارس اللى انت قلت عليها بالاضافة الى
هذة المدرسة

المدرسة النموذجية للصداقة المصرية الصينية
العنوان: الحى 11 امام سنتر المصطفى


راي احد اولياء الامور فى المدرسة
المدرسة متميزة جدا اولادى الاتنين فيها واولاد كتير من معارفى واصحابى. مدرسة نظيفة. فى اهتمام جدا بالانشطة وفيها مجموعة متميزة من المدرسين لكن مش كلهم طبعا اللغة انجليش والمفروض الصينى من المرحلة الاعدادية وفى معمل صوتيات مجهز ومكتبة جيدة جدا والفصول نظيفة وواسعة وصحية جدا الكثافة 29 للفصل الواحد والدراسة من 8 الى 3 الصف الدراسى 3 فصول بس يعنى المدرسة كلها مش هتزيد لحد الثانوى عن 1400 طالب وطالبة

[cava]

اه عرفها حضرتك ورحتها قبل كده بس ده ابتدائي بس انا محتاج مدرسة تجريبي لابني غير المدارس الموجودة القولتها

انا ابني رايح 3 اعدادي

يعني محتاج مدرسة تجريبي اعدادي وثانوي

بس عايز غير الطلائع والنهضة والنصر ومبارك


وكمان رحت المدرسة الالمانية بس برضو مفيش اعدادي

[محمود التهامي]

معتقدش فيه مدارس تجريبية تانية داخل نطاق مدينة 6 أكتوبر

بس السؤال

ليه حضرتك مش راضي عن النصر والطلائع ومبارك ؟؟؟؟؟

[cava]

حضرتك انا وديته النهضة والطلائع بس مكنوش حلوين ومش المستوي المطلوب

والنصر برضو دخلتها زي مستواهم

ومبارك الاسوء فيهم فعشان كده بشوف غيرهم عشان ازورهم واشوف

[محمود التهامي]

افهم من كدا ان حضرتك حددت رأيك بناءاً على شكل المدرسة ؟؟؟؟

معتقدش أبدا ان ده سبب كافي للحكم على مدرسة

خصوصا لما نكون عارفين
إن المدارس التجريبية أصلا مدارس حكومية
وتابعة للأبنية التعليمية
يعني عمرها ما هتكون على القدر الكافي اللي بنتمناه

لكن اللي يهمنا هو مستواها التعليمي
وعلى حد معرفتي
اوائل المدينة كل سنة اغلبهم من مدارسها التجريبية