متلخبطة ليه يا مشاعرى؟
متلخبطة ليه يا مشاعرى
متشعبطة لية وانا بجرى
متونسة بخيال كداب
وكلام اكيد ما هوش شعرى
متلخبطة ليه يا مشاعرى
متلخبطة ليه صارحينى
بتفارقينى ليه ضمينى
بتنسينى احلى حنينى
وانا وياه ومعاكى قدرى
متلخبطة ليه يا مشاعرى
متلخبطة فى فكر جديد
متورطة وقلبى وحيد
ومفرطة بصد عنيد
طيب ليه معاكى يزيد هجرى
متلخبطة ليه يا مشاعرى
متلخبطة يا مشاعرى من غير جروح
ومشخبطة على درس فى غاية الوضوح
وبتطلعى من جوا نن العين
وبتهربى من بين خيوط رمشى
متلخبطة ليه يا مشاعرى
متلخبطة بس ليا هرجعك
لحضن فكرى وف قلبى هزرعك
وهتسمعينى وهتسمعينى وهتسمعينى وهسمعك
وهترجعيلى يا مشاعرى
وبوعدك وعهد لازم اعمله
انك هوايا وهوايا انا بعلمه
انه فى حشايا جوايا شعرى بيفهمه
انك دوايا ومفيش مخلوق هيفهمه
رد مع اقتباس
رد: متلخبطة ليه يا مشاعرى؟
المفضلات