نصيحه

[علاء عثمان عقل]

الاستاذ الفاضل/ مجاهد الشاذلي

الموضوع السادس: بالنسبة لموضوع المرافق :
لو حضرتك رجعت للمقاول بتاع جريدة الجمهورية 12/6/2010
اللي حضرتك نشرته في المشاركة
هتلاقي مكتوب إن الاراضي بالمرافق ، وإن رئيس الجهاز ، صرح بأن مع نهاية هذا العام سوف تدخل المرافق جميع مناطق ابني بيتك ، إن في مناطق دخلت فيها المرافق وهتنتهي خلال هذا الشهر.
والشغال علي قدم وساق

[علاء عثمان عقل]

الاستاذ الفاضل/ مجاهد الشاذلي

الموضوع السابع: بالنسبة لموضوع عدم معرفة الحاجز لموقع ارضه:
فهذه معلومة خالية من الصحة تماما
لإن كل واحد فينا عارف أرضه فين
وأغلب الحاجزين بنوا القطع بتاعتهم
وتقدر حضرتك تشوف الكلام ده علي أرض الواقع.
يا استاذنا والله أنا رحت الموقع بتاعي أول ما استلمت في شهر 12/2009
وكل اسبوعين اروح اشوف قطع اتبنت لحد الاعمدة لحد السقف
دلوقتي اغلب المنطقة السابعة اتبنت وفي اللي بني 3 ادوار
الشغل هناك علي ودنه
قطعتي أنا ، كل اللي حواليه والله بنوا لسه أنا وجار ليه والكلام ده من شهر وعشرة ايام
يعني الدنيا اتغيرت أكيد

[علاء عثمان عقل]

الاستاذ الفاضل/ مجاهد الشاذلي

الموضوع الثامن: بالنسبة لموضوع الاعلان عن قطع بـ 25 ، 30 الف:
بصراحة والله أنا مقدرتش أفهم حضرتك تقصد إية
لكن اللي أنا اقدر أقوله إني لما بشوف مستفيد بيعرض أرضه بالرخيص
فبنصحة بأنه لا يفرط في الغالي بالرخيص وأنها تساوي كتير
وعلشان كده دارات هذه المناقشات سواء مع حضرتك أو مع السماسرة من قبل

[علاء عثمان عقل]

الاستاذ الفاضل/ مجاهد الشاذلي

الموضوع التاسع: بالنسبة لموضوع طرح ابني بيتك مرة أخري:
اعتقد والله اعلم ، أنه من غير المتاح اراضي لهذا المشروع بمدينة 6 اكتوبر
لإن اغلب الظهير الجنوبي للمنطقة السكانية للمدينة تم تخصيصها كمشاريع سواء خاصة أو ابني بيتك
ولو افترضنا حصول ذلك مرة اخري ، فحضرتك عارف إن بلدنا السوق الوحيد اللي مبيرخص فيها حاجة خالص هو سوق العقارات
تفضل الشقة صغيرة الحجم في المدن الجديدة بالالوف المألفة.

[علاء عثمان عقل]

الاستاذ الفاضل/ مجاهد الشاذلي

الموضوع العاشر: بالنسبة لموضوع ما يقال عن ابني بيتك في الجروب كعشوائيات:
فخلي كلامنا موضوعي شوية
أولا : لم يحدث مطلقا ، ولا يتصور عقلا ، إن مشروع منظم ومحدد من قبل الدولة
إزاي عشوائيات في مشروع منظم شوارع ونواصي وميادين وردود وخدمات .....
يعني كلام بعيد عن الصحة تماما
وبعدين كلنا فاهمين ماذا تعني كلمة عشوائيات في بلدنا
يعني شارع 2متر مش 9 ، 20 متر يعني مرافق بالسرقة ..... الخ

فالموضوع مش عشوائي ومتروك للاذواق زي محضرتك قلت
وعموما كلمة عشوائيات لما ذكرت في الجروب يا استاذنا
كان المقصد منها الخامات المستخدمة في ألوان البيوت ليس إلا
وردنا وقتها وقلنا إن ده أمر مؤقت
وإن السبب راجع لضيق ذات اليد
فالاخ الذي قام بالبناء يجد نفسه عند مرحلة التشطيب قد صرف كل غالي ونفيس
ولم يتبقي معه إي فلوس
وعايز يشطب علشان ياخد الدعم
فالطبع لازم يشطب بالرخيص فتطلع الالوان في بعض الاماكن غير مرضية
وبعدين طيب ما كان في العكس
بيوت ما شاء الله عليها تفرح القلب
وتم نشر صورها علي الجروب
وعلق كثير من الاخوة عليها بعنوان حتي لو كانت عشوائيات
لن نتنازل عنها أو نبيعها بالرخيص