ادخل وقول ايه الحاجة اللى فرحتك النهارده

[dr.az_elgamal]

ادخل وقول ايه الحاجة اللى فرحتك النهارده

أخوتي وأخواتي الأعزاء
ياجماعة انا عملت الموضوع ده لأني لاقيت كل اللى تسأله أخبارك أيه يقول مخنوق وزعلان زهقان نفسي حد يقول مبسوط
طيب ياريت الكل يفكر ايه الحاجة اللى النهاردة خلتك تفرح / تفرحي ولو حاجه واحدة مهما تكون بسيطة ف نظر الغير المهم ف نظرك انت كبيرة
وبكده عد الحاجات اللى فرحتك عشان تنسى اللى ضايقك
ياريت الموضوع يلاقى منكم تجاوب معايا
وانا طبعا هبتدي
فرحتنى النهاردة نظرة حب من بنتي ليا

مواضيعي

.

[محمود التهامي]

فكرة ممتااااااااااااازة يا دكتور

انا اكتر حاجه فرحتني النهاردة
وانا راجع بالمترو اللي عامل زي الملاهي
كنت راجع من ش/ عبد العزيز فهمي اللي عند محطة مترو الميرغني
اتبهدلت جدا في المواصلات وانا رايح
بس استمتعت جدا برحلة العودة
رغم الحر الفظيع اللي مابتحملهوش

[dr.az_elgamal]

فكرة ممتااااااااااااازة يا دكتور

انا اكتر حاجه فرحتني النهاردة
وانا راجع بالمترو اللي عامل زي الملاهي
كنت راجع من ش/ عبد العزيز فهمي اللي عند محطة مترو الميرغني
اتبهدلت جدا في المواصلات وانا رايح
بس استمتعت جدا برحلة العودة
رغم الحر الفظيع اللي مابتحملهوش

شكرا لك على المرور والرد
وطبعا المترو جميل قوى وبالذات ف رحلة العودة
وقتها طبعا الناس كلها يظهر على وشهم الانبساط والابتسامات
وبالذات إن الجو بيبقى جميل
المهم اللمه الحلوة

[خلود]

انا اكتر حاجه فرحتنى النهارده انى قربت اخلص دهان شقتى وفاضل حاجات بسيطه كده واخلص على خير يارب

موضوعك حلو وياريت نتابع وندخل كل يوم نقول اللى بيفرحنا ولو انه قليل اوى يادكتور

[اميرة حبى انا]

فرحنى اوى النهاردة انى كنت زعلانة من ابنى الصغير
وبكى عشان اسامحه
لحد ما صالحته
شكرا على الموضوع الجميل