قالت جوزي ... أحمد فؤاد نجم

**محمود التهامي** · 04-06-2010, 10:50 AM

قالت جوزي ... أحمد فؤاد نجم

قالت جوزي فل الفل

غصبن عن عين كل الكل
راكب فوقكم ومالوش حل
مهما حقدكو زاد او قل
قاعد حيوريكو الذل

***
قالت جوزي بصحه شديده
كل الامراض عنه بعيده
وحيحكمكم فتره جديده
واحنا حنفضل عيله سعيده
وانتو حتبقو على الحديده

***
قالت جوزي صحته بمب
رغم الشعب ولاد الكلب
حتى ولو مكروه من القلب
لا يهمنا كرهكو ولا حب
عايزين نحكم مش نتحب

***
قالت جوزي عال العال
رغم كلامكو اللى بينقال
مش حيسيب الحكم محال
وان جه يوم فكر يتحال
حيورثكم لابنه جمال

**محمد المصري** · 04-06-2010, 12:30 PM

قالت جوزى فل الفل

جميلة

شكلك بتحب احمد فؤاد نجم

وعايز تسافر معاة مشوار كدة صح

هههههههههههه

**محمود التهامي** · 04-06-2010, 12:57 PM

شكلك بتحب احمد فؤاد نجم

وعايز تسافر معاة مشوار كدة صح

يللا
تيجي معايا
احسن من رحلة اسكندرية الفشنك

**محمد المصري** · 04-06-2010, 02:33 PM

هههههههههههه

لا ياعم البلد احسن من غيرها

انا مصرى وابويا مصرى

ومش باحب اسيب مصر ابدا

نسيت اقلك هنروح اسكندرية الاسبوع الجاى

**محمود التهامي** · 04-06-2010, 04:55 PM

لأاااااااااااااااااااااااااااااااا

تااااااااااااااااااااااااااني

الموضوع: قالت جوزي ... أحمد فؤاد نجم