عاجل لكل الاعضاء

[اميرة حبى انا]

بدون ذكر اسماء
لا حظت من بعض الاعضاء بعض الردود الغير ظريفة بالمرة
والتطاول على البعض الاخر حتى لو بالتلميح
فارجو الرد على المواضيع فى حدود الموضوع المكتوب
وعدم الاعتراض على رد او عضو
والاعتراض على الردود او توجيه اى عضو بيكون مسئولية مديرينا
الاحباب ونصل الهوى فقط
احنا كلنا اسرة واحدة
ومافيش داعى حد يزعل حد
ولا حد يزعل من حد
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
رجاء اخر
ارجو وضع المواضيع فى مكانها الصحيح
وعدم تكرار المواضيع
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
طبعا انا متأكدة ان كل حد فى المنتدى هيتفهم كلامى والمقصود منه الخير طبعا
ومحدش هيزعل
شكرا

[fagrmasr01]

الاخت أميرة
أسف جدا لو انى اكرر ما ذكرته فى ردى انى مش زعلان وسأحاول ان استفيد من النقد
اما عن توجيه الموضوعات فكنت أتمنى لو ان لى او لغيرى موضوع وضعناه فى غير مكانه ان توجهى صاحب الموضوع لان انا شخصيا .. برغم انى اشعر ان كلام حضرتك دفاع عنى .. لكن قد أشعر بأن كلام حضرتك موجه أيضاً لى
وأنا شخصيا أتمنى لو ان هناك نقد لى . ان يوجه فعليا الى ما اكتب .. أقصد يوجه لى مباشر وبدون تورية
يظهر انى فعلا أصبحت عجوز
لان فجأة انا شايف انى مش فاهم ولا كلمة
هل ممكن توضيح ؟

[اميرة حبى انا]

التوضيح وباختصار
محدش يرد على حد رد مش ظريف
وده لاى حد
ولا حد يوجه حد لان ده مش ظريف
وبرضو لاى حد
وكل واحد بيكتب موضوع يشوف مكانه فين ويحطه فيه
وبرضو ده لاى حد

[fagrmasr01]

شكرا لحضرتك
واضح انك لا تريدين إحراج شخص معين
وبرغم اننى كررت طلب التوضيح لاحساسى اننى قد أكون المقصود ،
وأوضحت ان لو اننى المقصود لن يضايقنى التوجيه
الا ان التوضيح جاء عاماً مما يؤكد انى فعلا كما قلت
أصبحت عجوزا لدرجة انى مش فاهم
وانى من الممكن ان اتسبب فى احراج احدكم
أرجو السماح والمعذرة ان كنت تسببت فى اى ازعاج

[اميرة حبى انا]

لا حول ولا قوة الا بالله
اقسم بالله العلى العظيم
الكلام ده موجه لاكتر من حد ولكل حد اصلا
وحضرتك مسببتش اى ازعاج لاى حد
يارب نصدق بقى