ادخل اختار لقبك ف المنتدى وهتاخده.....

[خلود]

ازيكوا يا احلى صحاب

عاملين ايه ........... يارب تكونوا بخير

اظن عنوان الموضوع غريب شويه

بس تصدق انه حقيقه

وفعلا هتاخد باذن الله اللقب اللى انت عايزه

وكمان بطريقه سهله جدااااااااااااااااا

مش محتاجه لايكون عندك الف اشتراك مثلا

ولا حطيت 100 موضوع

ولا يعينى عملت موضوع واتهريت فيه وكتبت لحد ما ايدك اشتكت
وف الاخر مفيش غير اتنين تلاته ردوا عليك

احنا هنا


هنخلصك من كل وجع الدماغ ده وهتاخد بأمر ربنا اللقب اللى يريحك من غير نقاش
اقولك ازاى
.
.
.
.
.
.
.
.
.
الاول
نصلى على سيدنا وشفيعنا وحبيبنا المصطفى عليه الصلاه والسلام


وبعدين
يلا نبدأ




اظن يا جماعه كتير من المنتدى بيكون نفسه يكون له لقب الكل عارفه بيه
وبنقرا القاب يامه جميله زى
مشرف قسم.....
او شاعر المنتدى
او امير الشباب
او زهره القسم
او صاحب المليون
او
او
او

وكمان فى ناس بتتنافس علشان توصل لاى لقب يتحط جنب اسمها
حاجات يامه وكلها جميله ومحبوبه

وتعرف ايه ميزتها كمان
انك بتكون مميز بيها
يعنى مفيش غيرك شايلها

وكمان لما يتقال امير المنتدى مثلا يبقى معروف انه انت من غير كلام

تعرفوا بقى ان الالقاب دى كلها القاب منتدى بس يعنى مع ناس انت متعرفش منهم غير 10 ولا حتى 100


ايه رأيكوا لما تختار لنفسك لقب يكون

ربنا عارفك بيه
اهل بيتك عارفينك بيه
صحابك عارفينك بيه
اهلك عارفينك بيه
الشغل عارفينك بيه
الكليه عارفينك بيه
اهل بلدك عارفينك بيه
وهكذا
ياااااااااااااااااااااااااااااااااااااااااااااااه

كل ده اه اظن كده ولا مليون واحد عارفك بلقبك
والاهم من ده كله ربنا كمان
اظن كلام غريب
معلش هبسطه

ايه رأيك لما يكون اسمك الصادق

ومتكذبش ابدا

انت عارف الحديث ده

من حديث عبد الله بن مسعود عن النبي صلى الله عليه وسلم قال: "عليكم بالصدق فإن الصدق يهدي إلى البر , وإن البر يهدي إلى الجنة , ومايزال الرجل يصدق ويتحرى الصدق حتى يكتب عند الله صديقا , وإياكم والكذب فإن الكذب يهدي إلى الفجور , وإن الفجور يهدي إلى النار , ومايزال الرجل يكذب ويتحرى الكذب حتى يكتب عند الله كذابا"

المحسن الى جاره..... او...الكريم

قال رسول الله صلى الله عليه وسلم : « من كان يؤمن بالله واليوم الآخر فليحسن إلى جاره ومن كان يؤمن بالله واليوم الآخر فليكرم ضيفه ومن كان يؤمن بالله واليوم الآخر فليقل خيرا أو ليسكت

المتواضع..


قال رسول الله صلى الله عليه وسلم : «من تواضع لله رفعه الله

الرحيم

قال رسول الله صلى الله عليه وسلم : « ليس منا من لم يرحم صغيرنا ويوقر كبيرنا » [رواه الترمذي]

29_قال رسول الله صلى الله عليه وسلم : «من لا يرحم الناس لا يرحمه الله » [متفق عليه ]

محب القران

قال رسول الله صلى الله عليه وسلم : «اقرؤوا القرآن فانه يأتي يوم القيامة شفيعا لأصحابه » [رواه مسلم]

قال رسول الله صلى الله عليه وسلم : «خيركم من تعلم القرآن وعلمه » [رواه البخاري




وحاجات تانيه كتير وصفات انتوا بتحبوا تتخلقوا بيها
وتقتدوا بالرسول فيها
اتمنى مشاركتوا وتفاعلكوا
ومعرفه القابكوا الجديده

[دعاء الكروان]

موضوع رائع سلمت يداكى خلود

[نور]

موضوع في غاية الروعة
ويارب نكتب عند الله باحسن الالقاب

[خلود]

اشكرك دعاء ياغاليه على وجودك فى موضوعى

نور منوره مواضيعى بجد بردودك الجميله

[فريد]

السلام عليكم
ازيك ياستاذة خلود

بجد بجد واحشتنى مواضيعك
الاكثر من مميزة
و الاكثر من رائعة و الاكثر الاكثر
وعدى بقى .............لحد ماتزهقى
موضوع هايل جدا
انا هاختار لقب اتمنى من الله
انى اكون استهله وهو المتواضع
ودمتى بخير و اراكى فى موضوع
متميز و رائع اخر