نداء إنساني ( واحشنا يا محمود )

[AFIFI MOSTAFA]

يا بنتى دى اكتر من تهمة مش تهمه واحدة اكتبى عندك:
1- بما انك مشرفة القسم العام توجد بعض المهام الادارية التى اغفلتيها بصفتك لا بشخصك
2- تغيبتى بعض الايام عن المنتدى دون عذر مقبول
3- مشاغباتك الدائمة - تقاريرك ا لامنية داخل المنتدى- حوراتك مع الاعضاء- مواضيعك الجديدة . تحتاج الى التحقيق
كل هذة الاتهامات مجرد بداية تحقيق اما صلب التحقيق والتهمه الاساسية فيه هى:
موضوع قطر الموت والضحايا اللذين لحقوا حتفهم من القطر وانك المسئولة الوحيده والرئيسية على موتهم واحب ان اخبرك ان هذة الاتهامات فقط جزء من جملة اتهامات سوف تسرد فى حينها.

[fagrmasr01]

ايه اللى بيحصل دا
ايه اللى انا شايفه دا
يعنى حتى لما تعملوا تحقيق تقوموا تعملوه مع نجمة المنتدى الرائعة
واضح ان الموضوع فيه توصيات جاية من فووووق اوى ... من تالت دور او رابع دور مثلا ...

خدوا بالكوا ... انا هنا بصفتى رئيس برلمان المنتدى
ومن واجبى طبعاااااا انى اتطمن على سير التحقيقات واشوف ايه اللى بيحصل


متخافيش يا خلود ... انا هاعمل استجوابات وطلب احاطة واربعتاشر لجنة لتقصى الحقائق ... وهاقلب لك الدنيا ....
بس الاول عايزك تهدى خااالص ... انا هابعت توصية فورية بحفظ التحقيقات .. وطبعا هاتنتهى زى كل مرة... بتقديم الشكررر للحكومة وللبرلمان وللسادة النواب والسادة المتهمين والسادة الحضور .. والسادة الى محضروش

بس ياللا الاول قومى كلى لك لقمة معايا .. بالف هنا وشفا ...



لا لا لا ... لازم تاكلى دى كمان
بالف صحة وعافية

[fagrmasr01]

اتفضلى اشربى العصير


وادى كمان كام كوباية عصير طازة .. لاخويا عفيفى والمحققين
بالف هنا وصحة

[fagrmasr01]

جايب لك محامى
باعت لك سلامى
وهاحضر وادافع
بشعرى وكلامى

راح اطلب برائتك باسرع قرار
لو الف تهمة ف قطار أو حوار
و نعمل مظاهرة لكسر الحصار
وهناخدك معانا ..فى عز النهار


اخونا المحقق .. يا رمز العدالة
خلود احلى نجمة ورمز الاصالة
قوام قول البراءة بلاش الإطالة

ساعتها هاقول لك ياشهم وأصيل
ومعاك ع البراءة كام مليون دليل
زى نور الشمس .. أو نجوم الليل
خلود شاربة الأصالة من مياه النيل

[nasr]

حبيبي يا حاج جمال يا كبيرنا هوه ده الكلام
والله العظيم الموضوع أن محمود كان واحشنا طلبنا من عفيفي يدور معانا مصمم يا كبير يصفي حساباته وأنا بعت له نداء انساني في قسمنا قسم الأبداعات ( أرجع يا عفيفي ) كالتالي :
سئـــــــــلت عفيفي أين يمكث من يدير منتدانا

فجاء برده فرحا" هيا لتمكث جانبي حقق معايا

لدي اليوم مشــرفة ونجمة منتدي زينة الصبايا

حانت الي فرصــتها ولن تغيب بعيدا"عن يدايا

نصحته الإبداع وترك ما تحمله نفسه من نوايا

عجبا" لإبداع أنت تاركه كي تحقق في قضايا

وطالما أنت وصلت يا كبيرنا يبقي الحق وصل وكلنا حنرضي بحكمك ربنا يقدرك علي حسم القضيه دي
يا ريت تعقل أخونا عفيفي القسم عندنا محتاج له والناس دي يا كبير محترمه أه بس أيديهم طايله.