ليه هُنت عليكى يا حب عمرى

[fagrmasr01]

ليه هُنت عليكى يا حب عمرى وقلبك خان
سلمتى للغريب أمرك ومفاتيحك بكل هوان
يبيع فيكى ويشترى تتمسحى فاقدة الأمان
يمنع تفاريح الهنا .. ويقطع أوتار الكمان
يلغى مننا حلمنا .. ويزرعنى فى الاحزان
ياعروسة الأوطان يا مصر يا نبع الحنان
انا ابنك حبيبك .. ليه ابنك يا مصر هان
وبرضو هاعيش وانا بحبك كمان وكمان
ياعروسة الأوطان يامصر يا نبع الحنان

[خلود]

طيب اقول ايه بس ياجمال

ده لوم ولا عتاب ولا ايه بالظبط

بس برضو مهما حصل ومهما شفنا منها
هتفضل تحبها وهنفضل وياك نقول يااحلى اسم فى الوجود يامصر

[اميرة حبى انا]

انا ابنك حبيبك .. ليه ابنك يا مصر هان
للاسف تطعيم انفلونزا الخنازير
حسسنى بالكلام ده اوى

[مصطفى مامون]

تجارب سنينك هى التى اهدت اليك هذه القصيدة من حسره على زعامه انتهت الى واقع ذليل رجاءا اشكر سنينك وتمتع بزمن مضى لا وجود له

[fagrmasr01]

طيب اقول ايه بس ياجمال
ده لوم ولا عتاب ولا ايه بالظبط
بس برضو مهما حصل ومهما شفنا منها
هتفضل تحبها وهنفضل وياك نقول يااحلى اسم فى الوجود يامصر

ولا لوم ولا عتاب يا نجمة منتدانا
هى مجرد فضفضة بينى وبين حبيبتى انا
وطبعا بحبها وهاعيش فى حبها مهما حصل لى فيها ومنها .. هى حبيبتى وباحبها

شكرا شكرا يا خلود .. فعلا نجمة بغير حدود
يسلم لى مرورك واهتمامك
ربنا يبارك لك ويكرمك
آمين