* وردة الحب *

عطرها الحنين ...تداوى الحزين
واشواق السنين ...أغصانها .
******
ورقها الأمان غصنها الحنان
وفـ أحلى بستان ....مكانها .
******
وفـ عز الليل ..نورها دليل
وفـ قلوب الناس ...عنوانها .
******
املها ابتسامه ..للفرحه علامه
وبكل الصـدق ....احلامها .
******
لونها فرحه ...عطرها همسه
وبسمة العاشـق ...كلامها .
******
وردة حب ... لنبض القلب
تداوى الجرح .....بأيمانها .
******

* وردة الحب *

يا وردة النور والبسمه والسرور
مليتى بالفرحه زمانا .
******
خدينا بعيــد لأجمـل عيد
وامحى بنـورك احزانا .
******
قولى أغـانى ..بأحلى معـانى
ورجعينا تانى ...لحياتنا .
******
يارضا الزمان ..يا احلى حـنان
رجعى النبض لقلوبنا .
******
خدينا معاكى ..فى دنيا هواكى
معاكى هنلاقى وجودنا .

* يا وردة الحب *