انا امبراطور الحب وسلطانه

[خلود]

جميله جدا ياجمال

احلى كلام ممكن يتقال عن التعبير بالحب وسعادتك بيه

ربنا يديم عليك حبك ويديم عليك سعادتك

[fagrmasr01]

انا امبراطور الحب وسلطانه ويا عينيكى
و الدنيا املكها انا بإيديا فى لمس ايديكى
وحنان العالم يتجمع ياحبيبتى لما الاقيكى
وأسد الأسود انا يا غزالتى لما اراضيكى

مش ممكن يا استاذ جمال ..
احساس رائع جدا ...
وعبرت عنه بصوره غايه فى الجمال ..
وبدأت تستخدم تشبيهات جديده ..
بالتأكيد هذه التشبيهات ليها معنى ..فى قلب الشاعر ..
شعرك جميل جدا ..
واحاسيسك ومشاعرك رائعه ..
واتمنى ان تستمر هذه الاحاسيس الجميله ..

علشان نستمتع اكتر واكتر بهذه الروائع ..

وردة
مش عارف اشكرك ازاى
على هذا التعليق الاكثر من جميل
وبصراحة زودتى فى قلبى افراح السعادة وسعادة الأفراح
وعلى فكرة .. فعلا .. التشبيهات ليها معانى ومعانى فى قلب الشاعر .. وباتمنى انى اعرف اعبر اكتر عن مشاعرى تجاه محبوبتى .. واتمنى يوصل لها المعانى اللى بتعجز عن التعبير عنها حروف الكلام

اشكرك جزيل الشكر يا وردة .
ربنا ميحرمنيش من تشجيعك الجميل
ربنا عز وجل يسعد قلبك ويكرمك
آمين

[fagrmasr01]

بجد بجد

مش لاقية ولا لقيت ولا هلاقى
احلى من كده كلام يعبر عن السعادة والحب
شكرا للكلام الجميل
شكرا على الفرحة
شكرا للبعد عن الاحزان

وانا بجد بجد يا أميرة مش لاقى كلمات تعبر عن شكرى وتقديرى لمرورك وتقديرك لكلماتى
مرورك اجمل ... مرورك وسام حقيقى لأى صفحة تنوريها يا أميرة

سعيد جدا ان كلماتى تنال هذا التقدير من أميرتنا الغالية
ربنا ميحرمنيش من مرورك العاطر ولا من تشجيعك اللى بيسعدنى جدا
وفعلا محتاج دعواتكم لعدم العودة الى الاحزان
لان فعلا قلبى محتاج يرتاح بعد سنين احزان طويلة
ربنا يجازيكى عنى كل خير يا أميرة ويكرمك
آمين

[fagrmasr01]

جميلة جدا وبرضة قفلتها احسن بأجمل المحبين قيس وليلى

عفيفى

شكرا جزيلا لمرورك وتقديرك يا عفيفى

وعلى فكرة يا صديقى العزيز
عندى بس ملحوظة صغيرة اوى
اجمل المحبين مش قيس وليلى

باذن الله
.. لما اكتب عن محبوبتى انا ..
.. هاتكون قصة حبنا الأسطورية ..
هى رمز الحب والسعادة والأفراح فى العالم كله
وحتكون باذن الله قصة حبنا انا ومليكة حبى وغرامى
هى اقوى وأخلد واعظم واحلى وارق واجمل قصص وأساطير الغرام
فى العالم كله باذن الله الكريم

متشكر جدا يا عفيفى
ربنا يبارك لك
آمين

[fagrmasr01]

واعيشك ضحكة ف هوايا وانا قلبى حنون
ولا قبلك يوم شفت سعادة ولا عشت ظنون
لكن برضانا .. ف حب هوانا .. الدنيا تهون
وتعيشى ياحبيبتى .. العامرية وأنا المجنون

كفاية حرام
كفاية حرام
إحنا مش حملك يا أمبراطور
أكثر من رائعة يا أستاذ جمال

متشكر جدا جدا يا صديقى واخويا الحبيب ناصر
مرورك جميل وتشجيعك جميل ومجاملتك زيك جميلة اوى
ربنا ميحرمنيش من تشجيعك اللى فعلا باحبه وبيسعدنى جدا
ربنا يخليك يا ناصر ويكرمك يارب
آمين