دعوه لكل المنطقه السابعه قطاع ن للمشاركه فى البناء

[abotaha555]

شكرا للاخت الفاضله ام اياد على الاهتمام والتواصل وفعلا الاوان الفاقعه شكلها غير محبب للنفس
ونريد رقم المقاول لو تكرمتى

محمود محمد ابراهيم

[sharabasy]

اول حاجة يا جماعة لازم الناس تخطف رجلها و تشوف الدنيا عاملة اية على الطبيعة. انا رحت هناك ودخلت المنطقة السادسة يوم السبت اللى فات وقابلت مقاول وشوفت له قطعتين كويسين بس اللى شوفتها قوى القطعة التانية كانو بيستعدو عشان يعملو حديد السقف ، شوفت اهم حاجة مفيش تعشيش فى العمدان ، العمدان كانت معمولة مسطرة، والاهم من كدة الخشب اللى كانو شغلين بيه كان جديد، والحديد كان خارج من نص الخرسانة اللى فى السلم يعني معمول صح، بس كان فى تعشيش فى خرسانة السلم.المهم بعد المشوار ده طلعت على المقابر قولت اقراء الفاتحة واشوف المنطقة السابعة بس على موصلت لمكان المهندسين كانو مشيو من بدرى عشان الماتش وعشان من الارياف(الحارس اللى قالى)، اللى ماسك المرافق هما المقولين العرب.منطقة ن فى اخر المثلث من فوق واللى جنب المقابر هى ر. وبرضو مش متاكد
اللى عرفتة وتاكدت منة ان لو صدقتو فى التعاون هتوفرو بس انا شايفها خيالية شوية لان فى ناس جاهزة ومستعدة وفى ناس معاها نص الفلوس وناس معهاش يعنى محدش ظروفه زى التاني
مش بعقدكو بس بحطكم امام واقع
وعندى ليكو هدية جيبها من موقع ابني بيتك
ابو اياد

[sharabasy]

جزاء 1 اللى مش فاهم حاجة يبعت اسمها وانا اشرحها بالتفصيل الممل

أرشادات عامة لمستفيدى ابنى بيتك

- على جميع مستفيدى ابنى بيتك متابعة اعمال المقاول فى الارض من لحظة الحفر و البدأ بأعمال البناء حتى الانتهاء حتى لا يكون هناك غش بخلط المواد او بالاساسات و لضمان الجوده

- تعتبر مرحلة الغمر بالمياه ثم الدك بعد الحفر مهمه لكي لا يحدث هبوط في المباني مستقبلا

الاحلال يستخدم الرمل الخشن كطبقة احلال فى حالة التربة الطفليه و الانتفاشيه القابلة للانتفاخ اي التى تزداد تغيراتها الحجمية بمجرد وصول المياه اليها وتقل في حالة الجفاف مما يؤدي الي تاثيرات خطيرة علي المنشأ

حيث يعمل الرمل كطبقة مرنة لامتصاص الانتفاخ الناتج عن التربة الأصلية و لزيادة قدرة تحمل التربة للاحمال

و يتم تنفيذها على طبقات لا يتعدى سمك الطبقة 30 سم و ترش الطبقه بالماء وتدمك وبالتالي تصبح صالحة للتأسيس

- الدمك هو إعادة ترتيب حبيبات التربة بطرد الهواء فقط من فراغات التربة و ينتج عن ذلك نقص في حجم فراغات الهواء و زيادة في كثافة التربة

- الزلط هو المكون الأساسي للخرسانة وهو مادة قوية تتحمل الأحمال الواقعة عليها

حيث أنه يتم لصق حبيبات الزلط مع بعضها بمونة الأسمنت للحصول على الخرسانة وبالتالي فإن الأساس هو الزلط

و أفضل زلط للبناء هو الزلط الفولي لأنه يعطي مقاومة عالية ثم يلية الزلط الفينو ويعطي المقاومة المطلوبة لو كان خالي من الكسر والطفلة والبلنفة والبودرة الحمرة و يجب ان يتم غسل الزلط من الاتربه والاملاح برشه بمياه قبل استخدامه

- الاحجام الكبيره نسبيا فى الزلط تكون جيده في اعمال القواعد العاديه والاصغر تكون افضل للخرسانه المسلحه و الاعمده

مرحله صب الخرسانه العاديه هى صبة النظافة للقواعد من اجل عزل الحديد عن الأرض (التراب)

- يتم تحديد رفرفه الخرسانه بكل دقه منعا لصب كميه كبيره لا لزوم لها

- و لتقليل التكاليف كفايه قواعد عاديه منفصله ارتفاعها 30 سم مرفرفه 20 سم او 30سم تحت القواعد المسلحه

- الشداد بيكون في القاعده الملاصقه لحدود الجار وبيكون عرضه 30سم وارتفاعه80سم او حسب لوحه الاساسات

لكن الميد ارتفاعها 50 سم زي القواعد وعرضها 25 سم كما بجدول القواعد والميد والشدادات

الميده أهم عمل في المبنى لإنها الأساس لشكل المنزل العام ، وبها تظهر المقاسات النهائية لغرف المبنى ،

- تأكد من وجود كانات لشدادات الجار اعلي من الميد حوالي 35سم يتم وضع حديد الشداد فيها ويصب بعد الميد و لو صب الشداد من غير كانات يبقي خرسانه عديمه الفائده لانها غير مربوطه بحديد كانات لاسفل.

- حديد القواعد اهم جزء فيه هو اسفل العمود لان كل الاحمال الواقعه علي القاعده تصب من العمود

- أهم خصائص الخرسانة الجيدة : - تقليل كمية الماء في الخرسانة كلما قلت كمية الماء في الخرسانة زادت قوتها فالماء العدو اللدود للخرسانة ونشبه الخرسانة بالمضاد الحيوي للإنسان حيث ان زيادة كمية الماء تقلل من

فاعليته فلو الخرسانه اتفرشت علي الارض بسرعه تبقي المياه كتيره و يجب ان تكون كومه عند صبها !

- لكي يحدث التصاق قوي بين الخرسانة المصبوبة سابقاً والطازجة يجب خربشة السطح القديم وتنظيفه ثم رشه بالماء قبل صب الخرسانة الجديدة عليه. ومع ذلك فتعتبر فواصل الصب للخرسانة منطقة ضعيفة

لابد اثناء الصب للاعمده من استخدام هزاز والهدف من استخدامه هو انتاج اهتزازات اثناء الصب

لكي تتداخل الخرسانه مع الحديد ولا تكون هناك فراغات او تعشيش

– يجب رش الجزء المراد صبه بالمياه اولا

- عند استخدام رمال فى الخرسانات يستخدم رمال حرشة و ليست رمال بيضاء ناعمه

- أي أعمال أسمنتية ( خرسانة عادية – خرسانة مسلحة ) يجب رشها بالمياه لمدة اسبوع بعد الجفاف بمعدل مرتين يوما ً(في الصباح الباكر وفي المساء ) حتى يصل الاسمنت الى درجة الصلابه

- لكي نحصل على خرسانة مسلحة نحتاج 7شيكارة اسمنت فى المتر المكعب أى 7* 50 كيلو = 350 كيلو

(حديد التسليح 80 كيلو فى المتر المكعب

0.4 متر رمل فى المتر المكعب رمل (2 شيكارة ) الشيكارة 50 كيلو

0.8 متر زلط فى المتر المكعب – ( بتكون كمية الزلط ضعف كمية الرمل)

وتكون نسبة الماء الى الاسمنت بحدود 0.4(140 لتر ماء ) أى 20 لتر لكل شيكارة اسمنت

الحديد 10 ملى عدد الاسياخ فى الطن 133 سيخ

الحديد 16 ملى ( ال5 لينيه) وزن السيخ ال16 متر هو 19 كيلو و الطن 52 سيخ

الحديد قطر 12ملى عدد الاسياخ في الطن الواحد 92 سيخ

التعاون بين الجيران يوفر لكم في التكاليف

ابو اياد احمد الشرباصى

[khaled_moustafa]

شكرا جدا للمعلومات المفيده ...المهم احنا عايزين نحارب جشع المقاولين لان لى اكثر من زميل اتفق على 12500 بالسور
اخوكم خالد مصطفى