احمد اسمح لى اؤيد كلام اميره ان يومياتك فيها صدق جميل جدا وعدم تكلف وبساطه لابعد الحدود فى زمن اعتبرت الناس فيه الصراحه والصدق هبل وعبط

اسمح لى احييك على تواضعك الواضح فى يومياتك وزى ما قلت قبل كده فعلا الانسان ميحكمش على حد الا لما يعرفه

نيجى بقى ليومياتك الممتعه الشيقه كانت جرأه منك فتح مكتب خاص بيك لاثبات وجودك واكيد كل شاب بيبقى نفسه يحقق ذاته
والحمد لله ربنا وقف جمبك ونتمنى التوفيق لك على طول ان شاء الله

بلاش بقى اتكلم وياك عن السلبيات والمعرفه اللى بتمشى كل حاجه فى البلد دى لاننا او انا زهقت من الكلام فيها بس هى معروفه كده اللى له ضهر مش بينضرب على بطنه

وطالما لك معرفه كل حاجه هتمشى

الحمد لله اننا غلبنا الماتش ده وعقبال يوم الاربع بقى ولو ان اعصابنا تعبت جدا من مباره النهارده

يومياتك ممتعه جدا يااحمد وطريقه حكايتك لها حلوه اوى بتخلى فيه شوق لمتابعتها

تعرف انا بجد حابه متابعتها جدا لانها مليانه احداث فعلا

احداث انسان ابتدا حياته من الصفر رفض مساعده ابوه له وفضل يبتدى هو المشوار من اولها وتعب وعاند لغايه ما وصل وبقى بسم الله ما شاء الله صاحب مكتب ومستقر ماديا زى ما عرفت من خلال بدايه اليوميات

علشان كده بقولك مشوقه لان فيها كفاح وعرق وجهد

مستنيه باقى يومياتك احمد