نداء ورجاء الى كل واحد مسئول مهما كان موقع مسئوليته
انا مصرى * بحب مصر من كل قلبى * وبحاول انى فيها أعيش
فلا تجعلوا حياتى فيها نوع من التعذيب النفسى والبدنى

لا اطلب منك أيها المسئول ان تبادلنى حباً بحب
وان كان هذا من حقى .. لكن معلش .. مش لازم الواحد يتعشم ف المسئولين اوى كده طبعا
لكن ع الاقل أيها المسئول اعلم انك اليوم مسئول عن مسئولية مهما صغر حجمها او كبر
وغداً ستكون مسئولاً أمام الله عما فعلت وقت توليك هذه المسئولية
ووقتها .. وقت الحساب لن ينفعك الكرسى ولا المنصب

حاول تتحرى الحقيقة وتعلن الامكانيات الحقيقية والفرص المتاحة الصادقة ولا تبيع الوهم للناس
اتق الله فى مسئوليتك وأدى عملك بأمانة سواء كنت وزير أو غفير
اتق الله فى مسئوليتك واهتم بالدروس ان كنت طالب وراعى ربنا فى التلاميذ ان كنت مدرس او وكيل او ناظر
اتق الله فى مسئوليتك ان كنت زوج او زوجة اب او أم أو ابن او ابنه او من الاحفاد
اتق الله فينا يا عضو المجلس المحلى ويا عضو مجلس الشورى وعضو مجلس الشعب
اتق الله فى الركاب يا سائق الميكروباص والتاكسى والاتوبيس
اتق الله فى المصنع والغيط والميناء والمرور والجيش

بسم الله الرحمن الرحيم
ومن يتق الله يجعل له مخرجاً ويرزقه من حيث لا يحتسب
صدق الله العظيم
اللهم آت نفوسنا تقواها وزكها انت خير من زكاها

اعتقد ان الموضوع يحتاج منا جميعا ان نناقشه ونستزيد فيه لعل مناقشاتنا تنفعنى واياكم
وبالمناسبة هو ليس موضوع دينى فقط ، ان كان الدين هو أساس لتعاملاتنا ونجاح حياتنا
ولكنها دعوة ان يكون كل مسئول .. يكون فعلا مسئول
بجدية مهما كان دينه
فكل الاديان تحض على الالتزام والأمانة وصدق العمل