السلام عليكم

من فتره وانا بتابع احد القنوات الفضائيه لقيت الشيف بيقول هعملكم هامبرجر من فول الصويا
استغربت خصوصا وانى فعلا بلاقى فى المكونات فول صويا


المهم سمعته وجربته وطلع خطير وقلت كمان اجربه فى الكفته
طلعت جميله فعلا
المهم هنشترى منين فول الصويا المجروش
وباْكد تانى المجروش مش الصاحى


وهو شكله زى الاسفنج المقطع


وسعر الكيلو من عند العلاف او العطار 10 جنيه


انا بجيب ربع كيلو لانه بيعمل كميه كبيره
ندخل على المفيد



مقادير الهامبرجر


نص كيلو لحمه مفرومه
كوب من فول الصويا المجروش
بصله مبشوره ناعم
4 ملعقة كبيره بقسماط


الطريقه


نجيب حله ونحط فيها ميه ونسيبها على النار ولما الميه تغلى نطفى النار ونحط فيها الفول المجروش ونسيبه 5 دقايق
هنلاقيه نفش زى الاسفنج نصفيه كويس من الميه ونعصره من الميه بايدينا جامد لما يبرد
اثناء كده
نفرم اللحمه بالكبه كويس والبصله
وبعدين نجيب الفول المتصفى كويس ونضربه بالكبه كويس جدا ونخلطه مع اللحمه والبصله ونضربهم بالكبه وش واحد
وبحط الملح والفلفل والبهارات والبقسماط
ونعجنهم كويس
ونعمل اقراص ونشويها او نحمرها بحتة سمنه خفيفه على الطاسه
وبالف هنا



اسمحولى اكتب لكم الكفته الصبح لان معادى خلص