دخلت ليلة .. فى ألف ليلة
دخلت ليلة ف ألف ليلة .. أشوف حكاية شهرزاد
لقيتنى قاعد بالخميلة.. ورموشك ساحرة البلاد
ورموش العين الطويلة .. رمز للشوق والسـهاد
ضحكتك صافية وأصيلة .. تحيى ف القلب الوداد
فتحت صفحة بعد صفحة ، ووصلت لآخر الكتاب
مالقيت غير بس اسمك منور فوق ف السحاب
شفت نور رمشك حبيبى رمز للشوق والعتاب
فى عيون الحب انتى احلى معنى لقلب داب
حسدت شهريار عليكى فى حواديت الحكاوى
وقلت انى لو يوم مكانه قلبى يكتب لك غناوى
اصل انا قلبى عاشق نور رموشك من سنين
قلبى عاشق طلعتك ، والف آه من قلب غاوى
قالوا لى انك جنية وفى الحواديت أسطورة
قلت لهم هى الحنية وهى اجمل م الصورة
دى نجمة وعايشه فوق .. هناك عند القمرة
ورغم الوفات السنين هى ف قلبى سنيورة
دى زهرة من النوع النادر
وقلبى عاشق مش قادر
ولو مش هاتقرأ أشعارى
القلب من جسدى يغادر
ورجعت تانى وانا باغنى عايش معاكى ف حب جميل
فى نور رموشك متهنى وباكتب عشان حبك مواويل
يا أغلى فرحة فى حياتى هنا قلبى على حبى دليل
رمشك ف يومى بيسحرنى ونور عينيكى نجوم الليل
وهاعيش العمر وانا باحبك فرحان ومتهنى بحبك
وكل منايا يا نور العين .. اعيش حنانك وانا جنبك
وتمر علينا الثانية سنين .. أنغام عمرى دقة قلبك
والكون عشاننا احنا الاتنين وعيونى ها تنور دربك
I Love U
رد مع اقتباس
المشاركة الأصلية كتبت بواسطة دعاء الكروان
المفضلات