نداء للسيد الوزير احمد المغربى بخصوص المرحله الثامنه

[abotaha555]

شكرا علي ردودكم

الرجاء التواصل لنفكر في ارسال فا كسات للوزاره و ما شابه

[TETO1979]

بسم الله الرحمن الرحيم

الاخ الفاضل الاستاذ علاء الدين عثمان
كل عام وانت واسرتك واعضاء الجروب والمسلمين جميعاً بخير
على فكرة انا لم ادخل على النت منذ حوالى عشرة ايام وذلك لطبيعة عملي خلال الايام الماضية واليوم عندما قرأت الخبر اللى حضرتك ارسلته فرحت كتير ويا ريت الكلام ده يتنفذ , ويا ريت الكل يدعي ربنا واحنا صائمين انهم ينزلوا الاسماء قبل العيد وندعي ربنا انه يسهل لنا عملية البناء ونكون يد واحدة في كل شئ ان شاء .

وكل عام وانتم بخير

اخيك / تامر طه

[علاء الدين عثمان عوض عقل]

أمين إن شاء الله

[ام رؤى]

السلام عليكم اهدوا يا جماعة وان شاء اللة خير انا هقولكم على توقعاتى وطلعت صح معايا .انا لاحظت ان كل مرحلة فى نهاية اخر موعد للتسليم بيظهر بعدها بيوم او اتنين بالكتير اسماء المرحلة اللى بعدها ودة فعلا لاحظتو فى كل المراحل السابقةبمعنى اوضح ان اخر ميعاد للتسليم فى المرحلة السابعة 17/10/2009 يعنى المرحلة اللى بعدها تكون بالكتير على 20/10.ومش دة المهم برضو انا مش عايزة اعقدكم وخصوصا اللى مستنيين المشروع علشان يتجوزوا .احنا ظهر اسمنا فى المرحلة السابعة وكان ميعاد الاستلام 1/9 وذهب زوجى للاستلام ولكننا وجدنا ان كل اللى حصل هو امضاءات كل الاوراق الخاصة بالبنك فقط وتعالو كمان اسبوع علشان برضو استلام ورق خاص بالدعم وهكذا على الرغم من ان استلام كل القطع السابقة بكل مراحلها تتم فى نفس اليوم .الحكاية بقى بعد الاستفسار وضح بان الاراضى ليست جاهزة وهذا معناة ان كل الاراضى المخصصة للمشروع خلصت وبيبدأ فى تجهيز اراضى اخرى للباقى .
انا طولت عليكو بس كنت عاوزة افهمكم الامور اصبحت ازاى .بس خلو امالكم فى ربنا كبير يا شباب وان شاء اللةكلها عقبات ستزول ونستلم كلنا ونبقى جيران ونعمر باولادنا الصحراء.
والسلام عليكم ورحمة اللة وبركاتة:::::::

[البلوطي]

انا مش عارف اقول اية في البلد دي لا مصداقية في الكلام ولا في المواعيد ولا احترام للبشر انتوا فاكرين من سنة قالوا اخر استلام جميع المراحل في شهر7/2009 واحنا الان في شهر 6/10/2009 فين الوعود فين المصداقية ولا كلام في الهواء الطلق زهب مع الريح كل يوم ندخل علي النت ونقراء اية اخبار عن المراحل الباقية ولا شيئ جديد هي الارض خلصت يمكن الصحراء خلصت بتاعة مصر حرام واللة الي بيحصل في الناس دة دي مصر مليانة خير ومساحتها كبيرة جدا واكتر مساحة هي الصحراء ياريت سيادة الوزير ينظر للاسماء الي لسا في انتظار التخصيص ويخصص لهم ارض كمثل الباقيين الي تم لهم تخصيص احسن خلاص احنا طهقنا من الانتظار وملينا