بلاش نستعبط ونستخف بالناس
السلام عليكم ورحمه الله وبركاته
اخوانى واخواتى وحبايبى
انا جايه لكم النهرده بموضوع عايزه اخد رأيكم فيه وياريت الكل يدخل ويشارك ويرد
موضوعى عن الاستعباط والاستخفاف بعقليه الناس اللى بنتعامل وياهم
ليه نستخف بذكاء الناس وبلاش نقول ذكاء حاد ولكنه ذكاء فطرى عند كل الناس
بمعنى
ان بلاش نستعبط الناس بتصرفات واضحه وضوح الشمس ونتخيل ان الجميع اعمى ولا يرى ولا يحس بأى شئ
هقول امثله على كلامى مثلا :
زميلتك فى الشغل عماله تشتكى من معامله جوزها وتصرفاته الفظيعه وياها وانه لا يطاق وتانى يوم على طول تطلع رحله مع زملائها مصيف مثلا لمده اسبوع وتلاقى المعامله مافيش احسن من كده من اول يوم لاخر يوم عسل فى عسل
طيب ليه بتشتكى هو انا كنت سألتك ( ؟؟؟؟؟؟؟؟؟) يبقى بلاش نستعبط ونستهبل
مثال تانى
جاره كل شويه تشتكى فى النازله والطالعه تشتكى من العيشه والغلاء وانها ظروفها وحشه جدا وووووو الخ
وتانى يوم تبص تلاقيها لابسه دهب
طيب مش ده استهبال بلاش نستعبط ونستهبل ونستخف بالناس
مثال تالت
اتنين اصدقاء فى نادى مثلا وهو متجوز وهى متجوزه بدل ما يراعى مشاعرها ويخاف عليها بيغازلها ومفكر الناس كلهم مش واخدين بالهم رغم ايه بقى الناس كلها شايفه وعارفه وهما بس اللى مش حاسين بكده خالص
ولو انه طبعا هو استخفاف واستهبال بالناس القريبين منهم
دى مجرد امثله لحالات بسيطه اكيد كلنا اتعرضنا لنوعيه الناس دى لدرجه ان مواقفهم دى بتحرق الدم
طيب ليه بنستعبط الناس
واكيد كلنا شفنا ناس بتستخف بعقليه اللى قدامهم رغم بقى ان الناس بتبقى فاهمه وعارفه جدا جدا وهى اللى مراعيه مشاعرهم وسايباهم لغايه ما يزهقوا وقاعدين يتفرجوا عليهم
ياريت لو عندكم امثله ومواقف مكمله للمواقف دى او شبيهه لها تحكوا لنا عنها
رد مع اقتباس
المفضلات