فتيات مصر عاوزين يدخلوالجيش... ايه رأيك

**DMR** · 28-06-2009, 04:55 PM

موضوع حلو اوي و انا رأي لأ خليها بس في بيتها و تربي عيلها كويس و بعدين تبقى تفكر تدخل الجيش

**إبراهيم البشبيشي** · 28-06-2009, 06:39 PM

خليهن يخشوا الجيش .. ومعسكر العزل 45 يوم ويا سلام بقى لو الواحدة من دول دخلت مدفعية ولا دفاع جوي ويا سلام على نوبات الحراسة الليلية واللي هايسعدهن حظهن ويخدمن الوطن في حرس الحدود - طبعا كلنا شوفنا عبود على الحدود وفووو فووو ودي ايه يا وهدان دي الحية ام الجرس يا عبود ... - بجد انا موافق ان اي واحدة عايزة تخش الجيش من حقها تحقق امنيتها دي لكن بجد زي ما ليون قالت اذا كانت الستات قاعدة في بيوتها ومش مكفية نفسها ولا ملاحقة على طلبات اجوازها وعيالها يبقى يخشوا الجيش ازاي حد يقوللي ازاي بس !!

**خلود** · 02-07-2009, 08:57 AM

اشكركم جميعا على ردودكم وارائكم

وبالنسبه لموضوع الجيش هو مرفوض طبعا لان خدمه الوطن بتتطلب مواصفات معينه فى اللى بيؤديها اكيد مش متوفره فى البنات

وده لان ربنا جعل فى قلب الست عاطفه وحنيه مش هتنفع فى الخدمه دى ابدا

اشكركم جميعا على المتابعه والردود

والست تقدر وقدرت فعلا تثبت وجودها فى اماكن كتيره مش لازم بقى الجيش كمان

بعدين الرجاله يتعقدوا اكتر ما هما متعقدين اساسا

**فريد** · 02-07-2009, 11:35 AM

انا راى يدخلوا عشان يعرفوا النعمة الا هما فيها
و يبطلوا كلام المساواة فى كل حاجة
ايه الكلام ده ياجماعة فيه حاجات مرفوضة تماما للبنات تماما
ومش مهم ان حد يزعل منى لكن الكلمة امانة
انا اسف امس رايت منظر اغضبنى افزعنى و ضايقنى و قعدت افكر فيه
كتير جدا و سالت نفس ليه
كانت هناك فتاة تقود سيارة الخمس راكب و معاها اتنان انا طبعا عارفهم
و سالت نفسى طيب لو الاتنين مش كويسين و هايحصل ايه
طيب و بعدين هانلوم مين الركاب و لا الفتاة
لا مش كل حاجة تصلح للفتيات و انا مش ضدهم لحسن حد يطلع ده متعصب و لا متشدد
بالعكس فيه حاجات تصلح حاجات لا
احنا لسه فى بلدنا رجالة تحرسها و ستبقى للابد
شكرا خلود موضوع عاوز كلام كتير بس كفاية كده
لحسن

**خلود** · 02-07-2009, 02:26 PM

لا مش كل حاجة تصلح للفتيات و انا مش ضدهم لحسن حد يطلع ده متعصب و لا متشدد
بالعكس فيه حاجات تصلح حاجات لا
احنا لسه فى بلدنا رجالة تحرسها و ستبقى للابد
شكرا خلود موضوع عاوز كلام كتير بس كفاية كده
لحسن

رأيك جميل جدا يافريد ومش متشدد ولا حاجه خالص واكيد مش كل حاجه تنفع للست المصريه ولسه فى بلدنا رجاله قادره ان شاء الله على حمايه بلدنا والدفاع عنها

ويسعدنى تواجدك يافريد فى مواضيعى واشكرك على ردك المستفيض