ஐ⊰ يــومى النهــاردة ⊱ஐ

**lionking** · 25-09-2012, 06:15 PM

يا عم وربنا بندعيلك فى كل ركعه بس انت شد حيلك معانا شويه

ونورنا ومتغيبش علينا ابداااا

**خلود** · 25-09-2012, 08:30 PM

شكرا ياحاتم على ردودك واطرائك على المنتدى بس بلاش معاكسه تانى لاننا هعتبرها مخالفه خطيره لقواعد المنتدى

جمال ربنا يشفى عنك وتنورنا كده فى كل المواضيع

ومستنياك ياحاج بس متتاخرش بقى فى الردليون

فين ردك وكيف قضيتى يومك

مستنياكى ياقمر

**ابو اسامه** · 26-09-2012, 12:10 AM

السلام عليكم : احلى حاجه فى المنتدى ده انه فيه افكار جديده هبدأ انا مثلا
انا بصحى بدرى الساعه 7 صباحا علشان الاولاد بيعملولى قلق وهم ماشيين على المدرسه .. اللى بيزعق علشان شنطته واللى بيلبس واللى بيدور على قلمه نسيه وهو بيكتب الواجب مثلا .. المهم بيعملولى قلق ... وبعدين بلبس واروح على شغلى .. انا بشتغل مدير ادارى بالمجمع الطبى .. بفضل فى الشغل لحد الساعه 3 عصرا اروح البيت انام ساعتين واصحى اتغدى وبعدين اروح المكتبه بتاعتى شويه وبعدين افتح نت .. اول ما بدخل بدخل على المنتدى اشوف الردود اللى نزلت على اى حاجه كتبتها بالامس مثلا .. مبلاقيش ردود وتانى يوم وثالث يوم ورابع يوم مش بلاقى ردود على موضوعاتى وهناك الاقى رد او اثنين .. ده بيعملى احباط بحس ان الناس مش عاجبها اللى بكتبه .. فين ايام زمان كان الواحد يلاقى اقل شئ 10 ردود .. كانوا بيشجعوا الواحد بجد .. مش عارف الاعضاء حصلهم ايه ... يمكن مشاغل ولا حاجه .. المهم اتصفح المنتدى واقوم انام واصحى اعيد الكره من جديد ... هو ده يومى .. ياريت كل واحد يحكى على يومه بيقضيه ازاى .