معلش مكنتش اعرف ان المجلس اللى بيتشال بيتم تقليده باعلى الاوسمه
ومكنتش اعرف ان تغيير قيادات لا تضر ولا تنفع متعتبرش ضحك على الدقون
اما الاعلان الدستورى المكبل فهو اللى قبل بيه بعد مكان الخرفان بتوعه معتصمين بحجه الغاءها
ومكنتش اعرف ان ايرادات القناه ليه دعوه باسم الرئيس او خطته الداخليه
كنت فاكر ان ليها دعوه بعدد السفن اللى بتمر منها
اه بمناسبه البنزين يمكن ازمته اتحلت فعلا بقالها فتره عشام مكونش متحامل
اما بالنسبه للمعتقلين انا كل اللى بشوفهم بيفرج عنهم اعضاء الجماعات الاسلاميه
وكانوا مسجونين بقالهم سنين يعنى مش معتقلى الثوره ياستاذ مصطفى
استاذ احمد الاسلوب اللى بيتعامل بيه السياسيين غير اسلوبنا احنا كشعب بتحكمنا علاقات والا ما كنت مؤمن ان ابو غزاله لما شاله حسنى مبارك من قياده الجيش ووزاره الدفاع وعينه مستشار ليه كان تكريم له والا لو صدقنا ماتقوله استاذى لكان هناك مراسم لتسليم الانواط والنياشين والقلادات للمكرمين على حد قولك ونقلت عبر التليفزيون ونقلتها وكالات الانباء دعنا نعترف انها سياسه وعملها ناس قبله كتير انى علشان ابعد واحد اكرمه ودا اسلوب متبع للساسه
**اشكرك على تاييدك لمشكله البنزين واعترافك بذلك ودا اسلوب راقى للحوار احمده لك واشكرك عليه فما حوارنا الا لكى نصل الى حقيقه
بالنسبه لموضوع ايرادات القناه برضوا هعيد عليك نفس سؤالك وهو مش معقول انها من يوم ما اتفتحت ما زادتش الا النهارده والاجابه انها وبتلخيص بسيط كانت بتتسرق ايرادتها والدليل على كده انه غير قياده القناه لواحد مشهود له بامانته فى الجيش كله الخلاصه انه قلل حجم السرقه
وموضوع الغاء الاعلان الدستورى مش عايزين ننكر اننا كلنا انا وانت والناس اللى بتفهم فرحت لالغاؤه اما بالنسبه لموافقته عليه لان اداء القسم كان هيكون ادام المحكمه الدستوريه والمهم انه اتلغى وبقرار منه
وانا اؤيدك فى ان معظم اللى خرجوا اسلاميين بس ليا سؤال احنا هنسأل عن هويتهم والا عن سبب دخولهم ؟؟؟؟؟
واخيرا انشاء الله تعوض اجهزتك الكهربائيه وتجيب افضل منها بعون الله وخدت الشر وراحت وانا فى النهايه سعيد بحوارك واتمنى انه مايكونش يضايقك لانى مدرك تماما انك مخلص لوطنك زى الناس الطيبه اللى بدور على مصلحه وطن واختلافنا لا يفسد الود بينا لك راى ولى راى وبيننا الحب تحياتى فتقبلها
المفضلات