~::مدرستكو جايه تعزبكو::~

[خلود]

صباح / مساء الخير

بما ان الترم الاول خلاص قرب يخلص والامتحانات شغاله

وان شاء الله قريب هناخد اجازه الترم الاول

فانا مايخلصنيش انكو تعدو من غير مدرسه

فاقولت اعملكو مدرسه ف المنتدي ههههههه

حبيت أعملكم مدرسة تعذيب هنا

الفكرة بإختصار






حوالى 50 سؤال هيرد عليه العضو اللى اختارتو فى خلال 3 ايام ولو اتأخر عن 3 ايام او نزل اجابته فى اليوم الرابع هنحبسوة فى اوضة الفران ونختار بداله عضو تانى ،،
المهله هى 3 ايام بس



بعد اما يجاوب العضو ع الأسئله دى
هنحكم علية





الحكم دة هيكون لاول عضو هيدخل يقول رأية فى ردود المضيف ع الاسئله

يعنى لو قالنا افراج وخرجيه من المدرسة
هخرجة منها

ولو قالنا احبسوة هندخله اوضة الفران وهنحكم علية بـ 3 طلبات هيعملها فى القسم العام اما ينزل موضوعات او يرد



طريقة الاختيار





ان شاء الله انا اللي هختار الاعضاء وهختار اى عضو وهيكون اختيار اجبارى
يعنى فجأة هتجيلك رساله انك متتدبس فى الموضوع
هركز فى الاول ع رواد الاقسام والاعضاءالجديدة علشان نتعرف عليهم اكتر
والاختيار هيكون للكل مراقبين مشرفين ادارة اعضاء











يلابينا نتعرف ع شكل المدرسة


اتوبيس المدرسة












المبنى الخارجى










الزى المدرسى


















الكتب المدرسية











التلاميذ














الفصول

























المدرسين















غرفة المديرة













غرفة الألعاب














وسائل التعذيب فى المدرسة






















غرفة الفئران

[خلود]

بعد اما اتعرفنا ع المدرسة وشكلها بنرحب بيك فى مدرستنا وبنقولك اهلا وسهلا ونتمنى انك تكون تلميذ هادى ماتتعبناش ومش عاوزين لماضة هنا عندنا اوضة فئران هنضبطتك فيها
تهديد رسمى فهمى نظمى اهو
مدرستنا بتبدأ من KG1 الى الثانوية العامة

هتقابلك مجموعه من الاسئله متقسمة ع 4مراحل واخر جزئية فيها بتتكلم عن رؤيتك للمدرسة وعاوز تربى ولادك ازاى وبتكلمنا عن انفلونزا الخنازير

المرحلة الاولى

14 سؤال يلا افتح الورقة وابدأ حل ومش عاوزة كروتة فى الاجابة
قولنا الاول اسمك وسنك ودراستك ايه وعايشة فى اى بلد؟؟ واختار الصف اللى نفسك ترجعله تانى ؟؟
1- مدرستك كانت قريبه عن البيت ولا بعيدة؟
2- كنت بتروح المدرسة ازاى بالباص ولا موترورجل؟(وسيله المواصلات)
3- مين اللى كان بيوديك المدرسة؟
(كنت بتروح المدرسة مع مين)
4- كنت بتاخد معاك ساندوتشات ايه وانت رايح المدرسة؟
5-ايه اكتر ساندوتشات كنت بتكره ماما تعملهالك للمدرسة؟
6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه
7- ياترى كان فيه بائعين متجولين قدام باب المدرسة؟
8- تفتكر شكل شنطة المدرسة بتاعتك كان ايه؟
9-ايه اكتر حصة كنت بتحبها فى المدرسة؟وايه اكتر حصة كنت بتكرها؟
10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟
11- كان ليك اصدقاء فى المدرسة؟كام صديق؟لوتفتكر اسماء لهم قولهم؟
13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟
لوحصل دة احكى بسرعه

14- احكى موقف حصلك فى المدرسة عمرك اما تنساة (موقف مفرح – موقف محزن)
المرحلة الثانية
14 سؤال خاصين بالمدرسة

15- عشت قصة اعجاب للجنس الاخرواعجبت بيه فى المدرسة؟ حصلك موقف قبل كدة معاه ..لو فيه احكى
16-ياترى كنت تلميذ شاطر ومتفوق وبتاكل الكتب ولا بتفتح الكتاب وتقعد تسرح فيه؟
17- كنت بتعتمد على حد دايما يقعد يذاكرلك ولا انت كنت بتذاكر لوحدك ولا بتكبر خالص وبتسيبها بظروفها؟
18-كنت بتاخد دروس خصوصيه ؟ولو اة كنت بتاخد كام درس وفى انهى مواد؟
19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط
20- ياترى كنت بتركز فى الحصة ولا بتقضيها هاتك يانوم ولبان ؟ ولو حصه مش داغله مزاجك كنت بتعمل ايه فيها بتطلع تاكل وتعيش حياتك ولا ايه النظام؟
21-كان زى مدرستك لونه ايه وشكله ايه فى(ابتدائى – اعدادى – ثانوى)؟ وكنت بتلتزم باللبس دة ولا كنت بتلبس مخالف؟

22- عمرك مريت بموقف ضربتك فيه مدرس او مدرسة مفتريه؟لو اضربت احكى الموقف ...عادى خالص
23-ها ايه ظروفك مع الامتحانات كنت مقضيها صواريخ طايرة ولاسلكى مرفوع وغش وبراشيم والرزق يحب الخفيه وكدة ولا كنت مش بتغش ومعتمد على نفسك وكدة؟...قول الصراحة
24- ياترى بعد الامتحان كنت بتحتفظ بكتابك وتشيله ولا بتعمله عصافير الجنة وترمية فى اقرب سله ؟
25-كنت بتحب الصحيان بدرى؟وكنت بتستنى رجوعك للمدرسة ولا كنت بتستنى الاجازة بفارغ الصبر؟
26- ايه هى كانت طريقتك فى المذاكرة؟وكنت بتحب تذاكر فى انهى مواعيد بالضبط مثلا (قبل الفجر او بليل او الصبح بدرى)؟ وكنت بتحب تذاكر مع صديق لك ولا لاء؟
27- انت بتذاكر بصوت عالى وتفضل رايح جاى ولا بتذاكر من غير صوت وانت قاعد؟
بتقدر تذاكر وانت جنبك حاجة شغالة زى تليفزيون او راديو ولا بتحب تذاكر فى هدوء؟
28- اخيرا...احكيلى اصعب موقف مر عليك فى حياتك الدراسيه عموما
موقف لايمكن تنساه وحصلك فى المدرسة لو كان سعيد احكى ولو كان حزين احكيه؟موقف حصلك مع مدرس من مدرسينك؟موقف حصلك مع اصحابك فى المدرسة؟
المرحلة الثالثة
10 اسئله خاصة بتربيتك المستقبليه

29-بتحب مهنه التدريس ولا لاء؟ وكان نفسك فى يوم تطلع مدرس ولا كنت بتكرة المهنه دة جدا؟
30-تفتكر ان مهنه التدريس تناسب البنات اكتر ولا الشباب؟ لو عندك طفل صغير هتفضل يدرسله مدرس ولا مدرسة؟ 31-هتعطى لولادك دروس خصوصيه ولا لاء؟ لو اة هتديله فى انهى مرحله من عمرة؟
32-هل تؤيد الدروس الخصوصيه فى مرحله الحضانه واهى انتشرت دلوقتى جدا؟
33-تفتكر نظام التعليم فاشل ولا ناجح؟ ايه اهم اسباب فشله هل (المدرس – التلميذ- ولى الامر- الكتاب المدرسى – نظام التعليم نفسه؟
34- عايز تربى ابنك ازاى؟ وهل هتمشى على اسس التربيه السليمة وهتجيب كتب وتقرا ولا هتربيه بالبركة؟
35- بتأيد الضرب فى التربيه؟ امتى هتضرب ابنك؟ لما تحب تعاقب ابنك هتعاقبه ازاى؟
36- لو جالك جواب من المدرسة فصل لابنك لانه كان بيهرب من المدرسة...هتتصرف معاه ازاى؟
37-لو مدرسة الفصل قالتلك ان ابنك بيعانى من مشكله ما ...هتحاول تسمع كلامها وتعالجة ولا هتنفضلها ومش هتهتم؟ 38-هتتصرف ازاى لو كان ابنك من النوع اللعبى ومش غاوى مذاكرة؟ وهتنصحة بإيه ؟
المرحلة الرابعه والاخيرة

خاصة بأحلامك

39-تفتكر حلمك كان ايه وانت تلميذ؟ وكان نفسك تتدخل كليه ايه؟
40-هواياتك كانت ايه وانت صغير؟ وياترى مدرستك كانت بتنمى عندك هواياتك دة ولا كانت بتقتلها؟هل المدرسة قتلت جواك هوايه كنت بتحبها؟
41-اكتر مادة دراسيه كنت بتحبها فى جميع مراحل حياتك الدراسيه؟واكتر مادة كنت بتكرها؟
42-ياترى فى مدرس كان السبب انك تكره مادة معينه ...كرهك فيها ازاى؟ ولو فيه مدرس حببك فى مادة معينه قول حببك فيها ازاى وانهى مادة؟
41-لو انت كنت وزير التربيه والتعليم...ايه هى خططك فى التعليم فى كل المراحل من الحضانه للثانوى العام؟ نفسك ايه اللى يتغير فى التعليم دلوقتى؟
42-شايف ان كتب الدراسة مفيدة وانت استفدت منها فعلا ولاكانت كتب عقيمه جدا ؟؟
43-تخيل مدرسة بفصولها ومدرسنها وانت صاحبها (هيكون عندك كام فصل – كل فصل هتخلى جواة كام تلميذ – هتقسم اليوم الدراسى ازاى وهتحط كام حصة – هتخلى فى المدرسة وسائل ترفيه زى ايه) عايزاك تعيش وتتخيل حتى لو خرجت عن الواقع ...قول تحلم وتتمنى يكون شكل المدارس ازاى؟ 44-فى النهايه عايزة اسالك ايه رايك فى المدرسة وعجبتك ولا لاء؟ وايه شعورك وانت بتجاوب الاسئله؟ 45-نفسك ترجع تانى المدرسة ونسالك ولا مصدقت وعايز تقول يافكككككككيك؟

أخيرااااااااااااا

سيب اى ذكرى للمدرسة (صورة اى حاجة كذكرى وياريت لو تقدرتكتبعليها اسمك بأى برنامج ولو مش عارف خلاص)؟؟
ايه اكتر مرحلة وانت بتجاوبيها فى المدرسة كانت اسئلتها ممتعه بالنسبالك ؟
ايه اكتر مرحلة حسيتى ان اسئلتها صعبه او مش حباها وانت بتجاوبيها ؟؟
انتظرونـــــــآ مع أول عضــــــــو /ة متدبس

ملحوظة : كل عضو متدبس هيجاوب فى نفس الموضوع دة مع تغير عنوان التوبيك واضافة اسم الضيف فى كل مرة

ويارب المدرسة تنال إعجابكم

[خلود]

ومع اول ضيوف الموضوع

أكيد الضيف لازم يكون مميز

وطبعا هى مميزه جدا فى مواضيعها وابداعاتها واسمها كمان

لانها ورده وهى ورده فعلا

يلا ياورده اتفضلى خشى مدرسه بسرعه يلا والا ا الفئران مستنياكى

[وردة الايمان]

الله يسمحك يا خلود


انا كنت حاسة انى هكون أول ضيفة

الله يسمحك بجد

كل دى اسئلة ؟؟

كتير اوى

انتظرينى هجيلك ...متخافيش مش ههرب منك

[خلود]

ايه بس ياورده

دول شويه اسئله صغننين خالص

ولمده 3 ايام كمان

يعنى براحتك اهو وربنا يبعت لك حد يرد على طول ويحكم لك بالافراج وتخرجى على طول

مستنياكى ياقمر باجاباتك