ماحسبتهاش


اللى يحب مصر يزرع فيها ورده


ماحسبتهاش من ناحيتك اخد وعطا..
ماكانتش عندى غير حنانك والرضا..
ولاعمرى قلت او سألتك ليه كدا..
تحكم وتؤمرنى وانا.. متعوده..
مااعرفش ليه قلقت فجأه من هواك..
وجانى شك فى إنى مره انكش وراك..
ياريتنى كنت عميت ماشفتش فين خطاك..
ولا فين مكانك لما شفت مين معاك..
انا اللى جبتوا لنفسى من خوفى عليك..
ورحت شفت بنفسى غيرى بين إيديك..
دلوقتى ح اعمل فيا إيه ولآ فيك..
ولآ ح اقولهالك ..ولآ اخبيها عليك..
وح أبص تانى إزاى أنا جوه عينيك..
أو انام فى حضنك..لما اطمن نفسى بيك..
بقيت غريب عنى كأنك مااعرفوش..
ياريت ماروحت وكت عينيه مايشوفوش..
بحس جسمى تلجه لما ببصلك..
سامعاك وبارده مافيش شعور يردلك..
وشريط يوميها..وإيديك عليها.. مش بيفارقنى..
مااعرفش ليه..كان فيها إيه..خلاك تسيبنى..
شرخ وعملته جوه قلبى بغلطه منك..
والجرح شلتو وقلت اخبى وادارى عنك..
بس اللى جاى بينا يعنى شكلو إيه..
ولحد إمتى ح اداوى قلبى واللى فيه..
اصبر وأسكت ولآ اصارحك ولآ إيه..
وإزاى اعيش مع قلب بقيت بشك فيه..
ماحسبتهاش لو يوم تخونى ح اعمل إيه..
ماحسبتهاش..أرضى بعذاب واصبر عليه..
واعيش فى نار الشك منك قد إيه..
ماحسبتهاش






منقول