ازيكم يا حلوين انهرده هحكيلكم لما قررت اروح قهوة المصريين

نخش فى الموضوع على طول

صحيت الصبح عادى جدا اول ما فتحت عنيا وكنت صاحى

بالعافيه وش عليه غضب ربنا بعيد عنكو تقلش مضروب تلاتين جزمه على الصبح

نزلت من على السرير ادور على الشبشب مش لاقيه اتفضل على

الاهمال الى احنا فيه بعد السب والعن لام ده صبح كرمنى ربنا

ولقيت الشبشب فوق الدولاب

لبسته ورحت على الحمام اغسل وشى لقيت الميه مقطوعه هوه

يوم باين من اوله رحت مطلع ازازة ميه من التلاجه كانت سخنه اظاهر التلاجه باظة

موضوع نحس شكله هنطرد من البيت بعده المهم رحت غاسل

وشى ورحت اغير هدومى (محدش يسالنى عن الفطار لانه مبيحصلش الا نادرا)

رحت لبست اشيك قميص وبنطلون عندى وبدور على الكوتشى

مش لقيه اتفضل يا عم ساعه بدور قلبت البيت تحت وفوق وفى الاخر لقيته على الروف

رحت لابس وتعطر ولابس النضاره والكاب واد تقلش مهندس

وخارج من البيت واناطالع يا مؤمن وحلة ميه وسخه تتدلق عهليا خروجه نحس انا عارف

بعد السب واللعن لليوم وللشارع ولام ده موضوع رجعت غيرت

الهدوم وخرجت زى الحراميه اتلفت الاول فيه ميه بتدلق ولالا

ملقتش حاجه رحت خارج وتحت نفس البلكونه نفس الحله وعلى

دماغى رحت نزلت على الارض اخبط دماغى فى الحيط واقول ام دى خروجه تانى مره

رجعت بعد العراك مع الى رما الميه غيرت ام الهدوم ورحت

خارج تانى وانا المره دى اتناصحت وخرجت من الباب الورانى

واول ما طلعت يا مؤمن وواحد مؤذى رامى ميه على الارض

ازحلقت ووقعت على وشى البرستيج باظ والهدوم باظت ويوم

اسود من اوله قلت طلاق بالتلاته منا رايح ام المشوار النحس ده طلعت البيت ونمت

تانى يوم اصريت اروح رحت حاطط الهدوم فى شنطه وخرجت

بالبجامه نفس حلة الميه فوق دماغى رحت باصص لفوق وقلتلها عامل حسابى ارمى براحتك بقى

رحت عند واحد صاحبى غيرت هدومى واتشيكت وولعت سجاره

ورحت قاعد شويه اشرب الشاى وقعت ولعة السجاره على القميص اتخرم

رحت رامى السجاره وسابب لام ده مشوار فقر القميص ب 200

جنيه يتحرق علشان ده مشوار اااااااااااه اعمل ايه اروح بلبوص ولا ايه بس

المهم رحت مستلف قميص من صاحبى وربنا كرمنى ونزلت بيه

ومشيت فى الشارع سليم ووصلت الفهوه واول ما وصلت لقيت ايه

ده بقى نعرفو الجزء الجاى بس لما اعرف رئيكو فى الفكره

والموضوع لو عجبكو متنسوش التقييم بقى






منقول