تفتكر يا ادهم اني كده هسامحك؟؟؟



ريم وادهم واقفين في عز الضهر علي الكوبري

ريم: "برومانسية" شايف النجوم يا أدهم

ادهم.: نجوم ايه بس في عز الضهر دا أنا الشمس حرقت قفايا
... ...
ريم: الله ياأهم بص السحابة اللي هناك دي اللي عليها العصافير

ادهم لا والله ياحبيبتي أنا مش شايفها بس شايف دخان عربيات خنقني

ريم: يووووووووووووه يا أدهم خليك رومانسي شوية


ادهم: رومانسي إيه بس وأنتي مخرجاني في عز

الضهر كده أنا الشمس كلت وشي وقالت أنا شبعت

ريم: انت مش بتحبني والا ايه

أدهم: ياستي بحبك

ريم: لأ انت كذاب انت مش بتحبني

أدهم: يعني أولع في نفسي بجاز عشان تصدقي اني بحبك

ريم: "والدموع علي خدها" لا يا أدهم أنت اتغيرت خالص

أدهم: ياحبيبتي والله بحبك

ريم: لأ يا أدهم متصلحش اللي أنت عملته

أدهم: وهو أنا كنت عملت إيه بس

ريم: " تعيط" اهئ اهئ اهئ

أدهم: بتعيطي ليه دلوقت

ريم: أدهم طلقني يا أدهم

أدهم: هو احنا لسة اتجوزنا عشان اطلقك

ريم: يعني كمان مش عايز تطلقني


أدهم يشد في شعره: يادي الليلة السودا أنا ايه اللي خرجني بس

ريم: كمان خليتها ليلة سودا.. يعني أنا اللي
خرجتك غصب عنك

أدهم: ياستي مش قصدي. بصي أنا مش هرد عليكي
عشان مانتخانقش

ريم : للدرجة دي قرفان مني

أدهم: "وشه يحمر من الغيظ" يعني انتي
عايزة تتخانقي وخلاص

ريم: يعني أنا نكدية يا أدهم

أدهم: لأ...... أنا

ريم: انت بتاخدني علي اد عقلي

أد:هم حقك عليا وادي رأسك ابوسها

ريم: ياسلام كده بكل بساطة

فجأة يقف ادهم علي سور الكوبري ويرمي نفسه في الميه

ريم: تفتكر يا ادهم اني كده هسامحك







منقول