اتنين كانوا بيحبوا بعض كتير

و بينهم قصه حب إسطوريه

بس مرحش اتقدملها عشان ظروفه و كدا

و كالعاده مسلسل يتكرر و اتقدملها علاء الدين

الى معاه فلوس و جاهز و ذى الفل

و اتجوزها طبعا و مسيرها هتحبه ف يوم

و إنتهت قصه الحب القديمه و البنت اتجوزت

انتهت ليه !!!

و مش عاوز اسمع كلمه نصيب

لانى لو كان معايا فلوس كنت هعمل النصيب دا

و مكنتش حبيبتى هتضيع منى





اسف وعدتك بالسعاده و لا وفيت !


يا ترى مين يتأسف لمين !

فعلا احنا الاتنين ظالمين

ف مواقف كتير غلطانين

كدابين و خاينين !


بس برده رغم كل شئ .. بيقتلنا الحنين !

ذكريات كتير اوووى و لو مش من كتير

يا ترى هتفضل ف قلوبنا مهما مرت سنين

ولا كفيله تنسينا الايام الجايين !


ناس كتير حوالينا هنقضى معاهم باقى حياتنا

يا ترى هيخففوا عننا اهاتنا و الامنا !


يا ترى هنلاقى فيهم حضن يضمنا

يا ترى هنلاقى فيهم حب يعيش ف قلبنا !


اهو بكره نقول كانت ذكرى و عشنالنا يومين

اهو بكره تسرقنا الايام و ننسى الحنين


سلام يا ذكرياتنا سلام يا حبنا

سلام يا قلوبنا .. هتفضلى شايله همنا





انا ممكن ارجع عضويتى القديمه

و ممكن ابقى كبير المشرفين العوام !

اه وممكن ابند الى مش عاجبنى و اسيب التانى

اااه متستغربوش

ممكن مثلا اعمل عقد اعلانات مع الادمن

و اديلوا سعر الاعلان العادى مضروب ف نفسه 4 مرات

و العقد لمده سنه مدفوع مقدما )

تفتكروا هقدر احقق الى قلته و لا لا !!!

و مش قصدى حاجه بس افهموا القصد و المغزى مش اكتر





دول مثالين صغيرين اوى

الحب - المنتدى و النت

ف مليون مثال و مثال ف حياتنا

يعنى .. ف شغلى دايما يقولك ف بعض الوظايف

ليك نسبه و عموله ع كل عمليه بيع

معنى كدا انى برده اجيب فلوس لصاحب الشغل

و هبقى موظف مثالى و مميز و محبوب

مع ان ممكن يكون ف افضل منى 100 مره

بس مش بيجيب عمليات بيع

انا هعلى فوقه عشان بعت كتير

برده الفلوس !!!





ناس كتير بتعلى بالفلوس

و مش دايما بيكونوا وحشين

بس الفلوس بتقوى و تعلى الصوت

الفلوس مش كل حاجه

بس بتعمل كل حاجه





العمل و الاجتهاد و التعب

التوفيق و عباس و حسين

و كل الكلام الجميل دا

مكانه باسكت الزباله بنسبه كبيره مش كامله !

اه موجود !!!

بس ف الاخر بيتطبق ذى اى ورقه و يترمى

و مش هو الراعى الرسمى لحياتنا

معاك فلوس هتبقى فوق لو انت نمله

و لو مش معاك فلوس هتفضل تحت

و لو انت عملاق





يعنى الحل لجميع مشاكل الانسان

بعيدا عن الكلام ف الدين و القرب من ربنا

الحل هو الفلوس !

عاوز تتجوز حبيبتك .. ممكن ليه لا !

دى حاجه سهله جدا

عاوز تبقى ناجح ف شغلك !

عاوز كل الناس تحبك و مكانتك تبقى عاليه !

عاوز الناس تصورك و انت ماشى !

عشان جمال هدومك و ماركه موبايلك و نوع عربيتك

كل دا ممكن دلوقتى مع .. الفلوس





تعريف كلمه إنسان ف هذا الزمن

الرجل بالتحديد ...


1 - نوع بيرفيم !

2 - شكل سلسله المفاتيح !

3 - نوع و ماركه الملابس

4 - نوع السياره

5 - ماركه النضاره

6 - الشقه و مكانها و تجهيزها

7 - الوظيفه

8 - رصيد البنك

9 - مقبول الشكل و الهيئه

و لو قرد شغال برده

10 - الاحترام و الاخلاق و التدين و الرجوله

لا يشترط البند العاشر اذا توافر السابق





لا تستطيع ان تسيطر ع الناس بقوه السلاح

او بالخوف و المهابه من السلطه و اللقب

سيعندون امامك للأبد

و لكن هناك طريقان سحريان فقط

الكذب - المال

و الاثنان مرتبطان جدا ببعضهما

اكذب و اجنى الاموال

و سوف تملك العالم كله ف يدك





كلامى دا مش منطبق ع الكل طبعا و مينفعش اعمم

تقدروا تقولوا ان موجود

اخر الناس المحترمين الى مش بتبص للماديات

و ف برده اخر البنات المحترمين الى مش بتبيع حبيبها

و بتفضل جمبه و تقف قدام الدنيا كلها و اهلها

ف حاجات مبتجيش بالمال برده .. بس هيهات

كل شئ لسه فيه خير و لو قليل بس لسه باقى

ربنا يكرمنا و نلاقى الحلو النادر الوجود دا







فلوس !

تعلى توطى .. تعرى تغطى

تسيبك تجيبك .. و تخلى كل الناس حواليك

فلوس !

تهينك تذلك .. تزيدك تقلك .. تطلع تنزل

ع الحال دا يوماتى معاك و عليك





دا رأيى

رأيكم إيه ف الكلام !!!
مما راق لى






منقول