والنبى ياجدعان
ابنى وحيد عندكوا فى الميدان
اول مايبان
قولوا ياوحيد
ابوك فرحان
ومن زمان وهو نفسه ينزل الميدان
بس يعمل ايه بقى ف قسمته
اكمنه يعنى راجل كبير تعبان
واظن كده بقى الكل فهم كلامى
والرسالة وصلته
معلش احنا بنتكلم
صحيح بنتعلم
بس برده القرموطى معلم
والميدان ده حتته
وشد حيلك يا وحيد واقف جمب اخوك
خليك راجل زى ابوك
ماتخليش شوية عساكر يضربوك
ولا انت ماشوفتش ابوك فى حرب العراق
ابوك يا وحيد شاطر فى الخناق
ويعرف يجيب الحق من بوء الاسود
بس اعمل ايه لامك ياوحيد وللغباء
مش راضية تخلينى انزل التحرير
عايزانى افضل جمبها فى السرير
والله يابنى بتحايل عليها وابوس ايديها
تقولى انت راجل كبير
صحيح يابنى انا كبرت بس لسه ماخرفتش
وعارف ان فيه ثورة مش لسة ما عرفتش
وعارف ان فيها كام شهيد قتلوه
تتقطع إيد الأخ لو تتمد يوم على اخوه
خلى بالك ياوحيد من الثوار
واى شوية عساكر اعملوا عليهم حصار
وخلى بالك يابنى من ضرب النار
ايوه يابنى
ماهو الموضوع مابقاش هزار
وادفوا يابنى فى بعض
وخلى صوتكم زى البرق والرعد
شايفكوا ياوحيد قدامى فى ال 14 بوصة
مصر يابنى وهى إيد واحدة عروسة
بس نعمل ايه بقى فى الناس اللى باعوا القضية
والبلطجية والناس اللى زى امك ياوحيد نكديه
اسمع يابنى من غير كسوف
خلى بالك من العيال اللى بتضرب بالكلاشينكوف
اصل الجبان يابنى بيضرب ضرب خوف
انا يابنى عايزك ترجعلى سليم
عايزك بتسمع وبتشوف
اسيبك بقى عشان معايا مكالمة من عمك جورج وسوف
هى دى يابنى وصيتك
واظن كده
تبقى الرسالة وصلتك--- ابوك القرموطى






منقول