بحبك ومش هتنازل عن حبك
لو كل امراض الوطن جوه قلبى اتجمعت
انا يمكن نار جروحى خللت عينى دمعت
لكنى ليكى عاشق .. غصب عن عين الأعادى
وحبى ليكى صادق .. مهما طولت فى بعادى
لسه حبك جوه قلبى مستحيل انساه ف يوم
انتى حتة يامصر منى .. مهما يوجهوا لى لوم
انتى حلمى انتى أمى حبى دايم ليكى دوم
انتى حب انتى قدر وحبك للجميع علم العلوم
اوعاكى فى يوم يا حبيبتى تنسى
انك امى ومهما تعاندينى وتقسى
احنا اولادك رجالك
نفدى حباية رمالك
واحنا للآمال امالك
حبنا الرمز لجمالك
اوعى ياحبيبتى يقولوا لك .. انى قلبى نسى ومات
ومهما يكذبوا أو يحلفوا لك .. ويألفوا لك فى شعارات
العمر كله بدمى اوهبه لك .. بالحب مفيش اختيارات
انتى حبى يامصر مهما عنى ليكى قالوا
وان قالوا ياحبيتى عنى قولى لهم ومالوا
راح تعيشى فى ضميرى
لحد ما اقابل يوم مصيرى
رد مع اقتباس
المفضلات