ليه دايما الدكتور النفساني بيكون عارف او مخمن الحالة الي قدامو ايه؟

وهيديها علاج ايه؟

خاصة لو بتشتكي من عارض مفاجأ في وقت رفضك للاخرين والعزلة

ابسط حاجة يكتبهالك ( سيبرام ) علاج تقبل الواقع باقل الاضرار ويبدا

عمله بعد 3 اسابيع من استعمالو

آمن جدا على صحة المريض

مش عارفة ليه الدكاترة النفسيين بيحبو يسمعو ثرثرة الناس عن نفسهم

او ازاي يتحملو كل دا الكم الهائل من الرغي

احيانا بتخيل انهم ناس خارقين للعادة ومش بيزهقو زينا من الثرثرة الكتير

يمكن عشان كدا وظيفتهم بتيدهم قوة صبر وتحمل وليونة ومرونة وهدوء

حتى انك هتلاحظ الدكتور هادي جدا وبيسمعك ومركز اوي واحيانا من

ككتر تركيزو هيخطر في بالك سؤال هو انت معندكش مشاكل؟ طب لو عندك

هتشتكي لمين؟ وياترى لقيت حد يفهمك؟

اسالة كتتيرة اوي بتخطر في بالي وانا قدامو ونفسي في مرة اقولو

انت تعرف نفسك؟ او كلمنيي عن نفسك؟

اكيد محدش فينا كبني ادمين محاطين بكل الكم دا من الارهاق

والتغيرات والتقلبات المستمرة معصوم من التعب والشكوى

والشكوى لغير الله مذلة

النقطة الاهم من كل دا ان في ناس في حياتنا قايمين بدور الدكتور النفساني( صديق بيسمعك كويس )

(صديق قادرة يخرجك من حالة انت فيها)

( صديق معاك في كل احداث حياتك )

وعادة لما بنلاقي حد فاهمنا مبنفرطش فيه لانه هو الونس والصدر

الحنين الي بيضم راسك لما بتتعب

المهم انت في حياة غيرك ليك دور زي دا ولا فقط مستقبل ومش مرسل؟


الحياة تبادل ادوار ومهم جدا نعرف امتى دورنا الحقيقي لما يجي

عليه الدور نتقنه بدون ملل او كلل
-

ايميليا






منقول