صباحكم ورد وفل وياسمين
ويارب تكونوا جميعا بخير ان شاء الله




النهاردة هتكلم عن موضوع مهم جدااا سواء فى حياتنا على الواقع
او فى تعاملاتنا على النت




النهاردة عند طرح اى موضوع للنقاش او اى قضية بنقول رأينا فيها
وارد جداااا اختلاف الآراء بل ان ده فى حد ذاته ظاهرة صحية

ولكن الاختلاف هنا مش بيكون بإفادة زى ماهو المفروض يكون
ده دوره




بنلاقى الاختلاف لمجرد اثبات ان وجهة نظرى مثلا هى الصح
بغض النظر ان اللى بيتناقش معايا تحليله للأمور
ووجهة نظره هى الأصح
بنجادل ويشتد الحوار لمجرد انى متنازلش عن رأيى حتى
لو خطأ .. لمجرد ان محدش يقول دى عرفت انها خطأ
لمجرد ان محدش يقول ده فلان اقنعها برأيه وتفكيره




بنلاقى ان الاختلاف مش بيقوم بدوره وهو إظهار كل الجوانب
الخاصة بالموضوع المطروح للمناقشة
بل بيتحول هذا الدور لفرض الرأى او المشادات




هسأل سؤالين اتمنى اشوف ردكم عليهم
واتمنى كمان اشوف رأيكم فى الكلام اللى اتقال




هل الاختلاف ظاهرة صحية فعلا دلوقتى ولا أصبح
وسيلة للعداء بين المختلفين؟؟

هل الأختلاف بيكون عن علم بالأمور
ولا عن جهل وانفراد بالرأى وخلاص؟








منقول