الفشله يريدون ان يحكموا مصر

[الصحفى عيسى جاد]

الفشله يريدون ان يحكموا مصر

بقلم عيسى جاد الكريم

من يريدون الغاء اصوات 14 مليون صوتوا فى الاستفتاء على التعديلات الدستورية لينفذوا اراءهم الخربة...من يريدون تاجيل انتخابات البرلمان والرئاسة تحت دعاوى الخوف من اكتساح تيار معين للانتخابات ... من يطالبون برفع يد المجلس العسكرى عن الحكم وتكوين مجلس رئاسى من شوية مدنيين لم يختارهم الشعب .

لا يمكن ان اقول عليهم سوى انهم شوية فشلة اغبياء فشلة لا يصلحون لشىء سوى الكلام والتنظر لكن فعل ما فيش يا فشلة وعلى راسكم محمد حسانين هيكل والبتاع اللى اسمه البرادعى وحتى الاحزاب التى تسمى تفسها ليبرالية وديمقراطية عاوزه تكسر مبادئها وتظيط فى الظيطة عشان تحقق مصالحها بدعوى اقامة دولة مدنية ...وخوفا من اقامة دولة اسلامية رغم انى ضد كل التيارات الاسلامية المتطرفة والتى تنتهج السياسة لكن مش بحب اصادر على راى الشعب يارب حتى يجيبوا ابو لهب يحكم مش الاسلاميين يعنى بصريح العبارة خلى صندوق الانتخابات هو اللى يحكم يا فشلة يا اللى لم ناخذ منكم سوى الكلام ويخوفى لو اعطيناهم اصواتنا فى الانتخابات لن ناخذ منهم غير الكلام ويبقى من فشل الى فشل يا قلبى لا تحزن
.لا يمكن ان اقول عليهم سوى انهم شوية فشلة اغبياء لا يصلحون لشىء سوى الكلام من يدفعون الناس للتظاهر فى الميادين اعتراضا على احكام القضاء وسيادة القانون لان الاحكام لا تاتى على هواهم هم فشلة وفوضويين ومصيرهم فى الانتخابات سيكون فى المزبلة فلن ينجحوا بالبلطجة او الصوت العالى .........اقول لهم كلمة واحده يا فشلة اتلمو

نفس الامر يمكن ان اقوله عن فشله اخرين استغرب امرهم فانا استغرب من الذين يهاجمون الفنان طلعت زكريا ويريدون منع فليمه الفيل فى المنديل من العرض هى دى الديمقرايطة وحرية الراى التى يتم ممارستها ضد شخص قال راى مخالف والله بعد كده متعيطوش من اللى هتعمله الجماعات السلفية والاخوان فيكم لما يمنعوا الافلام بحجة العرى ومخالفتها للشريعة طالما انتم عاوزين تصادروا على راى الناس وابداعهم لمجرد انهم اختلفوا معاكم فى الراى>


قربت اكفر باليبرالية من العمايل اللى بشوفها من السادة الى بيسموا نفسهم ليبراليين ومش عاوزين يسمعوا غير صوتهم هما بس وعاوزين يقصوا الاخر ويبيدوه ويعدموه ويدفنوه حى طالما غير موافق على رايهم او مؤمن برايهم او بيامن على رايهم او لان رايه مش جاى على هوا معاليهم مثال سىء اكيد الاخوان وغيرهم هيستغلوه واذا استمرت قله ادب التيار الليبرالى وتسفيه لراى الناس وصمع اذنه عن راى الكل بداعى الحالة الثورية والمرحلة الثورية فسمحلى طز بقى فى اليبرالية وانا هنضم للاخوان وحتى السلفيين اهم على الاقل معاديين للحرية بس واضحين

[خلود]

والله يااستاذ عيسى مقالك كله مظبوط ومحدش عاجبه حاجه خالص

وعملوا الثوره لكن مقدروش عواقبها وده مش معناه انى ضدها بس يكون لها قائد يتكلم باسمهم ويجمعهم على كلمه واحده وراى واحد

اقدم لك تحياتى صديقى