السلام عليكم ورحمة الله وبركاته

اخوتى فى الله انا جيت النهردة علشان اتكلم

معاكم فى شى مهم جدا جدا وهو

العشر

الاواخر من رمضان

ايام رمضان جرت بسرعة ومحسناش بيها

فينا ناس اجتهدت فى العبادة وفينا ناس

قصرت لكن ربنا كريم واعطانا فرصة تانية بل

فرصة عظيمة علشان اللى ملحقش نفسه

يلحق لذلك لازم نركز كويس فى الايام اللى

قربت تيجى وهى

العشر الاواخر من رمضان

لحسن تجرى بسرعة مننا كمان ومنعملش

حاجة ويمكن الاقدارمتخلناش نلحق رمضان

تانى فنندم كتير خالص فيلا كل واحد يجهز

نفسه كويس ويسيب اللى بيحبه من نوم

وراحة فى البيوت علشان نقتدى برسولنا

الكريم لانه كان بيشتغل فى العشر الاواخر من

رمضان اكتر من اى وقت تانى وكان بيخصها

بشوية حاجات زى الاعتكاف اللى هنتكلم عنه

كتير بعد شوية والقيام والاغتسال كل يوم بين

العشاءين والتنظف واحياء الليل كله

،فعن

عائشة رضى الله عنها :

قالت كان الرسول صلى الله عله وسلم يجتهد فى رمضان مالا يجتهده فى غيره ،وفى العشرالاواخرمنه مالايجتهد فى غيره) رواه مسلم

وروى عنه صلى الله عليه وسلم انه(كان يخلطالعشرين الاول بصلاة ونوم فإذا دخل العشر لم يذق غمضا)ضعفه ابن حجر

حيث كان يطوى فراشه ويعتزل نسائه ويحيى

ليله ويجتهد فى دعاء ربه

وكان السلف الصالح لما تيجى العشر الاواخر

بيشتغلو بجد وكأنهم فى سباق مع الايام لذلك

لازم كل واحد منا يستغل الايام دى اللى اكد

الرسول ان فيها ليلة القدر اللى هنتكلم بعد

شوية عن فضلها لانى زى ما قلت يمكن نموت

قبل ما نلحق رمضان الجاى وكل واحد منا

شاف ناس كانو معاه رمضان اللى فات فينهم

دلوقتى؟؟؟؟
لذلك اغتنموا من هذه الايام علشان مانجيش

بعد كده ونقول (يَا لَيْتَنِي كُنتُ مَعَهُمْ فَأَفُوزَ فَوْزًا عَظِيمًا )سورة النساء الاية(73)

ويقول الله عزوجل(‌وَسَارِ‌عُوا إِلَىٰ مَغْفِرَ‌ةٍ
مِّن رَّ‌بِّكُمْ وَجَنَّةٍ عَرْ‌ضُهَا السَّمَاوَاتُوَالارْ‌ضُ أُعِدَّتْ لِلْمُتَّقِينَ )سورةآل عمران الاية (133)
(وَفِي ذَٰلِكَ فَلْيَتَنَافَسِ الْمُتَنَافِسُونَ )سورة المطففين الاية(26)
ولا بد لنا فى اخر هذا الشهر ان نقوم بعدة

وظائف منها:

اولا:وقفة صادقة مع الله ومع النفس

احنا خلاص الشهر خلص لازم نشوف نفسنا

عملنا ايه وكفاية ضحك على نفسنا باننا كنا

هنعمل بس .... كفاية جه وقت الصراحة مع

النفس ولازم نسال نفسنا ونقول (انا عملت

ايه فى رمضان؟)

وفى شوية اسئلة لازم نسألها لنفسنا


  • *هل اديت العبادات على وجهها؟
  • *هل عشقت رمضان بحق؟
  • *هل ذاق قلبك طعم العبادات؟
  • *هل اكثرت من تلاوة القران؟
  • *هل تغير بيتك وحياتك؟
  • *هل عزمت على الثبات على هذه الاعمال بعد رمضان؟
  • *هل بعد كل هذا العمل تعتقد انك تستحق عتق رقبتك من النار ومغفرة ما تقدم من ذنبك؟ام كنت مقصر مقصر؟


يلا بينا نقف وقفة صادقة مع النفس ونتوكل

على الله ونجتهد على قد ما نقدر

وخلى بالك ان سلفنا الصالح كانوا بيهتمو

بالاتقان فى العمل وبعدين يفضلوا خايفين

لحسن ربنا متقبلش العمل ويجتهدوا فى

الدعاء الى الله علشان يتقبل العمل ده منهم

وكانو بيقولوا ان الخوف على العمل لحسن ربنا

ميتقبلهوش اصعب من العمل نفسه علشان

كده يا اخوتى ادعوا ربنا فى الايام الجاية دى

يتقبل اعمالكم ويجعلها لوجهه خالصة وقدجاء

فى القرأن الكريم عن ذلك فى قوله تعالى( وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَىٰ رَ‌بِّهِمْ رَ‌اجِعُونَ )سورة المؤمنون الاية(60)
ثانيا:ملازمة الاستغفار
لازم اخوتى نستغفر ربنا كتير فى الايام الجاية

دى ونطلب منه مغفرة ذنوبنا الكتيرة خالص

دى وفيه احسن من العشر الاواخر من رمضان

علشان ربنا يغفر لنا ذنوبنا فيها؟

دا سلفنا الصالح كانوا بيستغفروا من التقصير

استغفار اشبه بأستغفار المذنب من الذنب ،

السلف الصالح اللى كانوا اكتر مننا فى العبادة

بكتير كانو بيعملوا كده امل احنا نعمل ايه؟؟

ويروى عن ابى هريرة رضى الله عنه انه قال:(الغيبة تخرق الصيام والاستغفار يرقعه فمن استطاع منكم ان يجىء بصوم مرقع فليفعل)
لذلك لازم كل واحد فينا يقف مع نفسه

ويستغفر ربنا كويس فى الايام دى

ثالثا:سؤال الله العفو،والتركيز على هذا السؤال ،والانشغال بذلك:
قالت عائشة رضى الله عنها للنبى صلى الله عليه وسلم:أرأيت ان وافقت ليلةالقدر ما اقول فيها، قال قولى اللهم انك عفو تحب العفو فاعف عنى) اخرجه احمد وصححه الالبانى
لازم نحرف يا اخوتى ان ربنا بيحب العفو لذلك

خلى العفوّ واحد من اسمائه الحسنى وربنا

لما بيحب عبد بيبتليه بالذنوب علشان يغفرله

ويعفو عنه لما يستغفر وربنا بيحب العبد اللى

بيعفو عن اخوه وربنا خلى العفو سنة فى

خلقه علشان يبقى المجتمع المسلم قائم

على العفو وكل الناس بتحب بعض ،اخوتى

ذنوبنا كتيرة كتيرة ولازم نطلب عفو الله فى

الايام الجاية قبل ما يفوت الأوان

رابعا:بذل اقصى حد فى الاجتهاد
لازم يا جماعة نجتهد فى اخر الشهر اكتر من

اوله لسببين

*الاول ان العشر الاواخرمن رمضان فيهم ليلة
القدر اللى هيا خير من الف شهر

*الثانى ان العشر الاواخراخر رمضان الضيف العظيم فلازم نودعه اجمل وداع

وفيه ناس بيحصلها العكس تبدا نشيطة فى

اول الشهر وبعدين يصيبها الفتور والكسل ولا

حول ولا قوة الا بالله
مع ان المفروض العكس لان كل واحد منا

بيعمل اعمال فى رمضان فيزيد قدره عند الله

ويرتفع درجة بدرجة لحد ما يوصل للقمة فى

العشر الاواخر من رمضان واحنا بنقتدى بالنبى

صلى الله عليه وسلم واصحابه فى الموضوع

ده علشان هما لما كان بيقبل عليهم العشر

الاواخر من رمضان كانت همتهم بترتفع جدا

وبيشتغلوا بجد شغل مكنوش بيشتغلوه فى

اول الشهر فيلا يا اخوتى كل واحد يجهز نفسه

ويسخن كويس

خامسا:اياك والعجب والغرور
اخوتى اوعوا من امراض القلوب ربنا اصلا عمل

الصيام والقيام علشان نتعالج من امراض

القلوب بس فى امراض مستوطنة زى العجب

ورؤية النفس
قال ابن القيم عليه رحمة الله:بين العمل وبين القلب مسافة،وفى تلك المسافة قطاع طرق تقطع الطريق على العمل ان يصل الى القلب فتجد الرجل كثير الصلاة كثير الصيام كثير الذكر وتلاوة القران ولم يصل الى قلبه من عمله شى ،لا خوف ولا محبة ولا يقين ولا رضا وقد تستولى النفس على العمل الصالح فتصيره جندا لها فتصول به وتطغى ،فترى الرجل اعبد ما يكون ،ازهد ما يكون،وهو عن الله ابعد ما يكون.
من علامات قبول العمل انك تلاقى الواحد

منكسر وذليل وخاضع لله عزوجل ،لكن اللى

بيعبد ربنا ويخرج فارد عضلاته محدش قادر

يكلمه اصله عبد ربنا طاب هو بيعبد لنفسه ولا

لمين هو ربنا عايز منه حاجة!!!
وده غلط كبير بيخلى العمل اخره التعب فيه اما

اجره انساه خالص ولا حول ولا قوة الا بالله

كلمة اخيرة ارجوووووووكم ركزوا كويس الايام

الجاية فى العشر الاواخر علشام ميجيش حد

يبكى على رمضان انه فاته لسة الفرصة معاك

مضيعهاااااااش منك
خلى بالك الايام ده بتكون الناس فى المساجد

خاشعة ذليلة خليك معاهم وربنا يتقبل صيامك

وقيامك وسائر اعمالك اى واحد منا بيعمل

حاجة بيحب فى الاخر يزينها زين رمضان واجره

بالايام دى
بكده اكون خلصت معاكم الحلقة دى ولكم

منى وعد بحلقة اخرى عن الاعتكاف وفضل

ليلة القدر وان كنت موفقا فمن الله وان

اخطأت فمن نفسى ومن الشيطان والى لقاء

اخر استودعكم الله

(سبحانك اللهم وبحمدك نشهد الا اله الا انت نستغفرك ونتوب اليك)

والسلام عليكم ورحمة الله وبركاته






منقول