شمعة حياتى .. بتنطفى
الان يا حب عمرى ..
أناجيكى.. وقلبى يرفض ان أناديكى
وانا باشوف آخر لمحة من آخر ضوء من شمعة حياتى وهى بتنطفى
كلمتين اتنين بقولهم لك بعد عشرات السنين من الفراق
ومش محتاج لك انك تسمعيهم
زى ما عشت السنين ابعت كلامى للقمر .. هابعت له اخر كلمتين
بحبك ومسامحك
ويكفينى انك وهبتينى حب عمرى .. اللى كنت عايش بيه وعلى أمله
يكفينى انك وهبتينى كل دقة من قلبى .. اللى كانت فى كل نبضة بتقول لك بحبك
يكفى انك وهبتينى حرارة الاحساس .. الى كان حاسس بيكى وانتى بعييييييد فى كل لمحة من لمحاتك وكل حركة من حركة وكل ضحكة من ضحكاتك .. وكل سكنة من سكناتك
وانتى معاه بتضحكى .. كان قلبى يتقطع ويقول لى .. افرح لفرحها.. لو كنت صحيح بتحبها
وكان قلبى بدموعه يجبرنى بدموعى انى افرح ..
ياااااااه.. قد ايه صعبة اوى فرحة الحزين وهو لوحده
وكنت لما اقول لقلبى .. ياريتها تحس بعذابى .. يقول لى قلبى .. لو بتحبها بجد .. مش ممكن تتمنى لها تعيش عذابك .. وكنت باصدق قلبى واكتم دموعى عنك وادارى .. وأبتسم
ابتسامة القتيل وهو بيندبح .. الابتسامة كان بيطلبها قلبى منى ليكى ..
زى الى بيطلب من اليتيم يتبسم فى يوم موت والديه..
وكنت قلبى يغصبنى ابتسم لك ..
وابتسم
والنهاردة بقول لقلبى..
خلاص ياقلب الشمعة خلاص هاتنطفى ..
اتمنى لك تتمتعى ..
وأبداً أبدا .. يارب متجربيش حزنى ..
ويارب أبدا لا تدمعى
و
وتخبو الشموع
فى انتظار لحظات الوداع
رد مع اقتباس
المفضلات