الجمعة والسبت 29-30 يوليو
كنت عند ماما
وبابا من فترة كبيرة تعبان
لكن فى الفترة الاخيرة
مكنش بيتحرك ولا بيقدر يقف
ولا بياكل كنا بنشربه ونأكله بصعوبة
قضيت اليومين
وقبل ما امشى يوم السبت باليل
دخلت حجرته اشوفه لقيته نايم زى ماهو من اليوم اللى قبله
قلت لاختى عشان تعدله او تقلبه
ومشيت
وياريتنى ما مشيت
يوم الاحد 31 يوليو
الساعة 8 مساءا
كنت واقفة بجهز زينة رمضان
بحب اعلق انوار وفانوس فى البلكونة
رن جرس التليفون
الو
صوت بكاء جامد
اختى : الحقينا مش عارفين نعمل ايه
فى ايه يا بنتى
اختى : بابا مات ابعتيلنا حد تعالى الحقينا مش عارفين نعمل ايه
وانتى ايه عرفك مين قالك انه مات
اختى : احنا معاه من الصبح لانه كان تعبان اوى وهو مات
انتهت المكالمة
معلش احكيلكو ما حدث بعد الانهيار التام وقت تانى
نسأل الله العلي العظيم ان يغفر لأخونا جمال
وان يتقبله لديه في جنات النعيم
وان يلهم اهله وذويه الصبر والسلوان وانا لله وانا اليه راجعون
رد: يوميات اميرة
رد مع اقتباس
المفضلات