بسم الله الرحمن الرحيم




يارب تكونوا باحسن حال

حد فيكم عدى من قدام ماسبيرو ف الايام القليلة الى فاتت
لو حد عدى يبقى عارف باتكلم على ايه لو مرحش هناك
اقولكم ايه اللى بيحصل

حبه ناس متعرفش جايين منين و لا هدفهم ايه من تعطيل الشارع ومنزل الكوبرى
فارشين شويه خيم اكنهم ف مساكن الزلازل
و واحده قاع
ده بتعمل شاى و حمص
و جنبيها بتاع الكشرى

يا جدعان فى ايه و عايزين ايه وقاعدين هنا ليه
يقولوا لك عايزين شقق و شم عارف
طب لو القعده هناك عند ماسبيرو بتجيب شقق كان ملايين الشباب اللى مش لاقى يتجوز جرش هناك
عشان ياخد شقة بقى
ما هيا بقت هيصه و فوضى و بلد ملهشا كبير
هيا ديه الثورة
يعنى
و اللى خدناه منها
حرام بجد الثورة تتلوث بالمظاهر ديه
الثورة جابت حرية و عدل و امل ف الاصلاح ما جبتش فوضى و بلطجة و انحلال امنى
هما عايزين يفهمونا كده
هما دول اخوانا الى خربوها
اكيد عرفنهم انتم كويس
بقى كل شويه عندهم مشكلة يجيب ملايه و يفرش ف اى حته تعجبه و احنا ف الصيف و الدنيا حر


و الله بجد مشهد يكسف بعد العزة و الكرامة اللى الواحد عشاهم ايام الثورة
بيندم على المناظر اللى بيشوفها دلوقتى
هل فعلا احنا شعب ميستحق الحرية و لا انو يحكم نفسه بنفسه
و لا مؤاخذه مش بنمشى الا بالضرب على الافاا
و لا ايه بالظبط


انا كده صح و لا لا
و لا متشائمه
بس اوعى حد يقول عليا فل

ها يا بشر ردوا عليا