اممممْ .. تِعرف كام مُستخدم للفيس فـ مصر ؟!
فَكَّر .. :s
عَدد مُستخدمي الفِيسْ فـ مصر
بعد ثَورة يَناير .. وصل لما يُناهز الـ5 مِليون و 200 ألف مُستخدم ..

أكاد أوقن إن 3.8 مِليون .. فاكرينُه شاتْ وتعارف !
بأمارة الأسامي اللي بِنشوفها ..

" عبده الجن ، الحزين الرومنسي ، الفيحاء ، الكتكوته ،
إلخ على هذا النَّمط اللي يِشل ويِعل ويجلب سُوء الطَّالع "

المُشكله العويصه بقى .. إن فيه ناس حتى الآن مُصِّره تكتب
قُدام اسمها ..

الدُّكتور فلان الفلاني ، الشاعر ، الصحفي كذا كذا ،
الكاتب ، المُهندس ، الصيدلانيه ، الحانُوتيْ !

يَعني ناس زي كِده كُل اللي فاهماه إن الفيس ده عباره عن شات كبير !
مِش مُدركه إنُّه مُستقبلاً .. مَعلوماتك الشَّخصيه
أو البِطاقه بتاعتكْ .. ممكن تبقى حبة انفو عالفيس !
أو إن الفيس ده حاجَه أكبر بكتير من إنك
تعمل لايك وشير وتشات !
..
من الحاجات المُستفزه برضه البيدجات اللي بتطلع من نوعية !

إتحداني مخلوق فضائي أجمع مليون شَخص !
إتحدتني أمنا الغوله أعمل شير عشرتلاف مرَّه !
إتحدِّتني مراتي على الطَّلاق نِوصل البيدج لـمليونين !
..
الأكثر استفزازاً مِن كِده إن التَّوعيه اصلاً بتوصل خطأ ..
يعني تَخيل لما مُذيعه قديره بجلالة قدرها ..
تَستضيف واحد عامل كتاب عن الفيس بوك ..
وفِي مُقدمة بَرنامجِها تِقول
طَبعا الفِيسْ بُوك مملوك للشركه الرائده فـي مجال البحث الإلكتروني جوجل !!

لا ومِكمِّله كلامها عاديْ ! والراجل اللي مفروض عامل كتاب
عن الفيس .. ماشي عالخط .. زي الفل ! :blink:
..
المَفروض لما اتكلم عن حاجه .. عالأقل اعمل بحث عنها
وتجهيزات وحاجات من دي !
المَفروض هيا اصلاً يبقى عندها اكونت عالفيس - فرضاً ! -
المَفروض أصلاً إن الشركتيين مَضادتيين لبعضْ !
الفيس ينزِّل أبلكيشن .. جوجل تِنزل أبلكيشن قصاده ..!

..

نِهايةً .. لِكُل الفلُول الثَّور المُضاده عالفِيس بُوك ..
لو سَمحت وَعِيّ نَفسك بِنفسك .!