منار: صباح الفل يا محمد
محمد: يا صباح الخير يا منار
منار: يلا علشان حضرتك الفطار
محمد: حاضر حاضر
ورجع نام تانى
منار بصوت عالى شويه: محمد يلا اصحى الساعه بقيت 7 ونص
محمد: يا فتاح يا علييم ... حاضر حاضر هتزفت اقوم مش عارف انا إيه النظام إلى انتى فيه دا
منار بصتله بطرف عنيها وقالت: يلا
(مناااار منظمه اوى اوى اوى بس لو جاعت وملقتش اكل هتاكل إلى قدامها)
محمد: إيه دا كله إيه دا كله
منار: علشانك يا محمد
محمد: ربنا يخليكى ليا
فا فطرو ومحمد راح الشغل علشان ياخد القبض بتاع الشهر
فا الراجل بتاع الخزنه مااات(منحوس نعمل ايه)
فا رجع وممعهوش فلوس ومفيش اكل فى البيت
فى البيت
محمد: هعمل إيه يعنى الراجل مات هرجعهولك من الموت يعنى
منار: طب هنجيب اكل منين
محمد: مش عارف بقى اعملك إيه !!!
منار اترفزت ودخلت الاوضه
ومحمد شغل التيليفزيون واتفرج عليه
واليوم عدى على كدا وناموا
وصحيو تانى يووم وطبعاً صحيوا ومفيش اكل
فا محمد راح الشغل واستلف شويه فلوس من واحد صحبه
فا جاب اكل يكفيهم يوم بالعافيه
وهوا داخل جريت عليه وخدت الاكل طبعاًً
فا عملت الاكل وكلو الحمد لله
وهوما اعدين بيتفرجو على التيليفزيون مع بعض
محمد: مرتاحه يا منار؟؟؟
منار: اه يا محمد الحمد لله
محمد: طب الحمد لله
فا دخلوا ناموا وصحيوا تانى يوم
طبعاً مفيش اكل فى البيت
منار: يلا يا محمد اصحى
محمد: حاضر حاضر
منار: يلا علشان تفطر
محمد: جبتى فطاار منين
منار: من الاكل إلى فاضل من إمبارح
محمد: ماشى هتزفت اقوم اهوه
منار مردتش ومشيت
محمد راح على السفرة وكل وهوا مش طايق نفسه
منار: هنعمل إيه هنجيب اكل باقى اليوم منين؟؟
محمد: يا فتاح يا عليم .... اصتبحنا بقا يا ستى ارحمينى بقا
منار سكتت ومتكلمتش
محمد: انا هروح الشغل هشوف كدا لو هيقبضونا
منار: ماشى يا محمد مستنايك
محمد : مش عارف انا إيه إلى رمانى عليكى عايزة تاكلى طوول الوقت
(منار من النوع إلى بياكل ومبيبنش على جسمها حاجه)
وفى الشغل
محمد: يا فندم انا المفروض كنت اقبض اول امبارح
المدير: طب روح للأستاذ مجدى وهوا هيقبضك
محمد: بجد يا فندم... شكراً اوى اوى اوى
محمد طبعاً راح على طوول
محمد: حضرتك انا عايز اقبض
مجدى: إسمك إيه؟؟
محمد: محمد.....0
مجدى: سوانى اشوفه
محمد فضل مستنى 15 دقيقه
محمد: يا استاذ ارحمنى وأخلص
مجدى: ما تستنى يا ابنى هيا الدنيا هتركب طيارة وتطير
محمد: لا هتركب توك توك
مجدى: لا خفيف يا اخويا .... خد الفلوس أهيه
محمد: هاااااات .!!
محمد خدهم ورجع من الشغل ومعاه الفلوس ودخل بلأكل
والتلاجه اتملت الحمد لله
وقضو الشهر عادى جداً بنفس الروتين دا
وجيه فى الشهر التانى ومرو بنفس الازمه
ومحمد راح الشغل علشان يقبض
محمد: يا أستاذ مجدى عايز قبضى
مجدى: طب سوانى ادور على اسمك
محمد: يا مسهل التسهيل يا رب
عدى 15 دقيقه نفس الوقت بردو
محمد: يا عم ارحمنى بقى هوا كل شهر على كدا
مجدى: ما تصبر يا ابنى هيا الدنيا هتطير
محمد: لا بس خلصنى بقا مش كل شهر بقا
مجدى: اتفضل القبض
محمد: هااات وفى سرة جتك نيله فى بدلتك وجرفتيتك إلى من السيتينات
محمد وهوا راكب الاوتوبيس المحفظه اتنشلت ومحسش بحاجه
فا وهوا بيشترى الحاجات
ربنا سترها وعرف إن المحفظه اتسرقت قبل ما يشترى حاجه
فا راجع البيت وممعهوش حاجه
منار: إيه دا فيين الاكل يا محمد
محمد: المحفظه اتنشلت يا منار
منار: نعم ادي اخرت اللي يمشي وراك طب إيه الحل
محمد: هعملك إيه يعنى
بوصى انا مش طايق نفسى وسيبينى فى حالى
علشان عفاريت الدنيا بتلعب بمفك فى وشى دلوقتى
منار: يا ربى إيه العمل
وبعدين دخلت الاوضه
ومحمد مش طايق نفسه وعلى اخرة
ومنار نامت شويه وصحيت
منار: يا محمد انا جعانه بجد هاتلي اي حاجه
محمد: طب هجيبلك اكل منين انا يعنى انزل اسرق ولا اقطع من لحمى
منار: اعمل إلى تعمله انا جعاااااااااااااانه
محمد: يخربيتك مصنع اكل بتودى فيين الاكل دا يخربيتك عامله تعاقد مع الصرف الصحي
منار: مش عارفه جيبلى اكل دلوقتي اتصرف
محمد وهوا متنرفز: والله انتى معندكيش دم اصلاً كل حاجه اكل اكل اكل
واتخنق منها وبعد حوار طويل ومحمد عمال يتنرفز اكتر
محمد: يعنى ارميلك نفسى من البلكووووونه!!!!!!؛
وجرى محمد على البلكونه ورفع نفسه
ولسا هيرمى نفسه
منار: وتفتكر كداااا انا هشبع يعنى